ВИPУСДАН ҲИМОЯ

(Устозим С.Хўжаниёзовга).

Карантинга амал қилинг,

Ниқобингиз ечманглар.

Вирус ҳали чекинмади,

Бу дардга чалинманглар.

Покликка амал қилиб,

Тоза тутинг қўлларни.

Вирусдан сақланишнинг,

Энг оддийдир йўллари.

Устоз-у дўст-ёр билан,

Телефонда сўзлашиб.

Меҳр-у муҳаббат билан,

Аҳволларин сўрашиб.

Билиб олдим, устозим,

Китоб-ла ошна экан.

Кексайган чоғида ҳам,

Ижод билан банд экан.

– Сен ҳам ўқи, – дер доим, –

Китоб асл дўстингдир.

Меҳрда энг мулойим,

Қалбингда қудратингдир.

Устозимга минг таъзим,

Уйдаман, дўстим - китоб.

Шиор билиб ҳар сўзин,

Ўзимга қилдим хитоб:

– Китоб бизни асрагай,

Фитна-ю ғавғолардан.

Қалбларимиз асрагай,

Турфа хил иғволардан.

Ҳаттоки вирусдан ҳам,

Кучлидир илми-китоб.

Мутолаа сеҳридан,

Порлагай соғлик - офтоб.

Зуҳра Аҳмедова,

Ойбек номли МФЙ.