Жайхун илҳомлари

ШУКУР ҚИЛИНГ, ОДАМЛАР!

Коронавирус деган

Бало қаердан келган?

Буни бир Худо билган,

Огоҳ бўлинг, одамлар.

Худо берган бир синов,

Ҳар қадамда тўсиқ, ғов.

Кўринмасдан қилар ов,

Ҳушёр бўлинг, одамлар.

Кезмай беҳуда юриб,

Кўчада суҳбат қуриб.

Фақат уйда ўтириб,

Зикр қилинг, одамлар.

Уйдан ҳеч жойга жилманг,

Юрак-бағрингиз тилманг.

Кўп ҳам ваҳима қилманг,

Сабр қилинг, одамлар.

Бўлсангиз соғлик томон,

Юрган бўлсангиз омон.

Ҳар недан вирус ёмон,

Тоқат қилинг, одамлар.

Тўхтади катта базм,

Бўлмади наво-назм.

Ўттиз одамлик базм,

Фикр қилинг, одамлар.

Кундан-кун янги фармон,

Қулоқ солсин тирик жон.

Бор бўлса сизда имкон,

Амал қилинг, одамлар.

Лаббай, деб қойим туриб,

Ёмон хаёлни қувиб.

Барини четга суриб,

Жасур бўлинг, одамлар.

Куюнгандан не ҳожат,

Худодан сўранг нажот.

Бир кун бўлар ижобат –

Шукур қилинг, одамлар.

Бўлса кимки мусулмон,

Дилига солиб имон.

Ўқиб тиловат – Қуръон,

Дуо қилинг, одамлар.

Шомурод Хўжанов, Дўрман овули.

ҚИПЧОҒИМНИНГ ЁШЛАРИ

Сўзлар ширин, бол каби,

Қошлар камон ёй каби.

Малоҳатда ягона,

Тунда тўлин ой каби.

            Нақорат:

Қипчоғимнинг ёшлари,

Ватаним гўзаллари.

Қалбда нур қуёшлари,

Дилбар-у асаллари.

Ваъдаларга вафо бор,

Ўртада номус ва ор.

Ибратли ишларидан,

Барча бўлар миннатдор.

Жайхун соҳили макон,

Ватанга кўкси қалқон.

Меҳнатидан бахт топиб,

Келтирар шавкат-у шон.

Барчани лол қолдириб,

Ўйнар давра тўлдириб.

Ушалсин орзу, ният,

Армонларни сўндириб.

Бекберган Тлеумуратов.

БАХТИМСИЗ

Юрар бўлсам, йўлларим ёритгувчи,

Ногаҳон йиқилсам, қўлдан тутгувчи.

Ҳар доим интизор мени кутгувчи,

Онажон, бахтимсиз, сиз жаҳонимсиз

Сочингизга тушган оқ толалар ҳам,

Бағримни тилкалар кўзларимда нам.

Сиз-чун нимаики қилсам, бари кам,

Онажон, бахтимсиз, сиз жаҳонимсиз.

Динора Каримбоева,

НДПИ талабаси.

Ўзбек қалби

Осмондай кенгдир, ўзбеклар қалби,

Кавсар булоғидай пок эрур қалби.

Хиёнат қилмас, ёр-у дўстига,

Ёмонлик тиламас она юртига.

Ватанни сотиш, биз учун эмас,

Бизлардан чиқмайди ватанфурушлар.

Ватанни асрайди, доим ўзбеклар,

Ватанни сотмайди, асло ўзбеклар.

Бегзод Халиллаев,

48-сонли мактаб ўқувчиси.