"ҚИЗИЛ ЯРИМ ОЙ" ЖАМИЯТИ ТОМОНИДАН ХАЙРИЯ МАБЛАҒЛАРИ ТАРҚАТИЛДИ
Ўзбекистон “Қизил ярим ой” жамияти кўнгилли, инсонпарварлик ташкилоти бўлиб, айни пайтда 15 та минтақавий, 206 та туман, шаҳар ва 1500 дан ортиқ бошланғич ташкилоти, 200 мингдан ортиқ фаол аъзо ва 40 мингдан ортиқ волонтёрлари ёрдамида жамоатчилик асосида фаолият юритади. Жамиятда “Меҳр-шафқат” хизмати ташкил қилинган ва ёлғиз кексалар, ногиронлар, сурункали касаллиги бор беморлар, кўп фарзандли, кам таъминланган оилаларга доимий ғамхўрлик қилиб, ҳар йили юз минглаб кишиларга инсонпарварлик ёрдами кўрсатиб келмоқда.
18 декабрь куни Ўзбекистон “Қизил ярим ой” жамияти туман бўлимига «ЮСАИД» ҳамда ҳамкор ташкилотлар томонидан хайрия мақсадлари учун жўнатилган санитария-гигеник тўпламлари ва кир ювиш кукунларини тарқатиш акцияси ўтказилди.
Ўзбекистон “Қизил ярим ой” жамиятининг мамлакатда инфекцион касалликлар жумладан, коронавирус инфекцияси тарқалишининг олдини олиш бўйича амалга оширилаётган чора-тадбирларни қўллаш мақсадидаги ушбу беғараз ёрдами тумандаги бўлим ҳисобида турувчи фуқароларга тарқатиб берилди.
Хайрия тадбири давомида ташкилотнинг Амударё туман бўлими ижрочи директори Ибодулла Нуримбетов, тиббий биродар Чоршам Эрназаров, туман Тиббиёт бирлашмаси эпидемиолог шифокори Ҳожибой Собиров, волонтёрлар Ойбек Холмуродов, Равшаной Холмуродовалар «ЮСАИД» томонидан молиялаштирилган «COVID-19» лойиҳаси асосида ажратилган санитар-гигеник тўпламни 7 нафар фуқарога, лойиҳа ҳамкорлари томонидан беғараз ҳомийлик ёрдами сифатида ажратилган кир ювиш кукуни ва ювиш воситаларини 60 нафар фуқароларга тарқатдилар.
Ушбу оилаларга Ўзбекистон “Қизил ярим ой” жамияти томонидан тайёрланган коронавирус касаллигидан сақланиш чора-тадбирлари тўғрисидаги буклетлар ҳам улашилди. Хайрия маблағларини тарқатишда иштирок этган тиббиёт ходимлари фуқароларга соғлом турмуш тарзига амал қилиш, шахсий гигена қоидаларига риоя қилиб, ҳовли-жойини озода сақлаш ва турли касалликлардан ҳимояланиш юзасидан суҳбатлар ўтказдилар.
Хайрия маблағлари етказиб берилган хонадонлар эгалари инсонпарварлик ёрдами учун чуқур миннатдорчилик билдирди.
Коронавирус пандемияси туфайли халқимиз жорий йилда жиддий синовларни бошидан ўтказди. Бироқ ҳар қандай мураккаб шароитда ҳам ҳеч бир инсон ўз ҳолига ташлаб қўйилмайди, ижтимоий ҳимояга олинади.
Халқимиз пандемияни мустаҳкам ҳамжиҳатликда, қўлни қўлга бериб, енгиб ўтмоқда.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
