“Манғит деҳқон бозори” МЧЖнинг расмий муносабати
Амударё тумани Манғит деҳқон бозоридаги ёғингарчилик натижасида юзага келган ноқулайликлар бўйича “KunuzQoraqalpogiston” телеграм каналига қилинган: “Aмударё тумани Манғит шаҳридан ёзяпмиз. Манғит деҳқон бозори ҳар баҳорда шундай ҳолатда бўлади. Бироз ёмғир ёки қор ёғса бозорга кириб бўлмай қолади. Тумандаги Жумуртов саноат шаҳарчасида тош чиқадиган заводлар бор. Тош ўзимиздан чиқади. Заводда шағал чиқинди ҳисобида туради. Шу шағалдан бозорга ётқизишса яхши бўларди. Одамлар бозорга келиб кетишса, кийимлари бир аҳволга келиб қолади” деган мазмундаги мурожаат бўйича “Манғит деҳқон бозори” МЧЖ маъмурияти қуйидагиларни маълум қилади.
2021 йил март ойида “Манғит Деҳқон бозори” МЧЖ томонидан бозор ҳудудида ёғингарчилик натижасида йиғилиб қолган ёмғир сувларининг чиқиб кетиши учун 25-50 см қалинликдаги шағал тошлар билан кўтарилиб цемент қоришмаси билан стяжка қилиниб, 350 кв.метр навес қуриб битказилди.
Ҳозирги вақтда бу каби мавжуд камчиликларнинг олдини олиш мақсадида жорий йил март ойида бозор ҳудудида одамларга қулайлик яратиш мақсадида 912 кв.метрдан иборат майдон 20 см қалинликда шағал тошлари билан кўтарилиб, майдонни цемент қоришмаси билан текислаш ишлари амалга оширилмоқда.
Кейинчалик босқичма-босқич “Манғит деҳқон бозори”нинг одамлар савдо қиладиган жойларида ёғингарчилик натижасида тўпланиб қолиши мумкин бўлган оқава сувларининг йиғилиб қолмаслиги учун тегишли ишлар амалга оширилиб борилиши маълум қилинади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
