Амударё туманида ғалла ўрим-йиғими мавсуми бошланди
Туманимизда 2021 йил ҳосили учун экилган бошоқли дон экинини нес-нобуд қилмасдан қисқа муддатларда йиғиб олиш ишлари бошлаб юборилди. Хусусан, 7 июнь куни Ўрта қалъа овулидаги "Қадамбой Пўлат" фермер хўжалигида ғалла ўрим-йиғимининг бошланиши муносабати билан кўргазмали семинар ўтказилди.
Унда Қорақалпоғистон Республикаси Қишлоқ хўжалиги вазири Алишер Якубов, туман ҳокими Султонбой Йўлдашев, соҳа мутасаддилари, ММТП раислари ва фермер хўжаликлари раҳбарлари иштирок этдилар. Семинарда мутасаддилар туманда бошоқли дон маҳсулотлари, хусусан, ғалла экиш борасида олиб борилаётган ишлар хусусида тўхталдилар.
Қайд этилганидек, ўтган йилги экиш мавсумида туман бўйича 324 та фермер хўжаликларининг 3800 гектар майдонига ғалла экилган бўлиб, амударёлик ғаллакорлар жорий йилда 9 500 тоннадан ортиқ "қирмизи дон" ҳосилини давлат омборларига топширишни режа қилишган. Шундан 25 та фермер хўжаликлари тасарруфидаги 316,8 гектар майдондан 950 тонна уруғлик дон етиштириш режалаштирилган.
Туманда 2021 йил ҳосили учун экилган бошоқли дон экинларини қисқа муддатларда ўриб-йиғиб олиш бўйича туман штаби ташкил этилган. Бу борада ишлаб чиқилган чора-тадбирлар дастурига кўра етиштирилган бошоқли дон ҳосилини 16 июндан 5 июлгача ўриб-йиғиб олиш графиклар тузилди.
Ўрим-йиғим ишларини уюшқоқлик билан ўтказиш бўйича 18 та ўрим-йиғим отрядларига жами 109 нафар маъсуллар, 18 та комбайнлар бириктирилган ҳамда улар соз ҳолатга келтирилиб, мавсум давомида тинимсиз ишлашини таъминлаш мақсадида эҳтиёт қисмлар заҳиралари яратилган. Ушбу отрядларга зарур техника ва механизмлардан 54 та юк автомабиллари, 36 та транспорт тиркамалар, 18 та кўчма таъмирлаш устахоналари, 18 та ёқилғи ташиш агрегатлари жалб этилган.
Маълумот тариқасида келтирилишича, туманда жорий йилги ғалла ўрим-йиғими, ғаллани ташиш, сомондан тозалаш ва ғалладан бўшаган майдонларда пешма-пеш шудгорлаш ишларини ташкил қилиш учун жами 1 млрд 601 млн сўмлик пул маблағлари зарур бўлади. Ушбу тадбирлар мутасадди идоралар томонидан тегишли тартибда молиялаштирилган.
Семинарда озиқ-овқат хавфсизлигини таъминлаш мақсадида жорий йил ҳосили учун экилган ғалла экинидан бўшайдиган майдонларнинг 1997 гектарига такрорий экинлар экиш борасида ҳам кенг тушинчалар берилди. Хусусан, 258 гектар ерга сабзавот, 35 гектар ерга картошка, 337 гектар ерга дуккакли экинлар, 900 гектар ерга шоли, 373 гектар ерга мойли экинлар, 94 гектар ерга озуқа экинлар экиш режалаштирилганлиги қайд этилди.
Шу куни туманда илк бора "Қадамбой Пўлат" фермер хўжалигида жорий йилги ғалла ўрим-йиғими ишларига киришилди. Ишонамизки, амударёлик ғаллакорлар бу йил ҳам ҳар йилги анъаналарга содиқ қолган ҳолда ғалла топшириш бўйича мажбуриятларини ортиғи билан адо қиладилар ва халқимиз дастурхонининг тўкин-сочинлигига муносиб ҳисса қўшадилар.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
