ШИФОКОРЛАР ИШТИРОКИДА АМАЛИЙ СЕМИНАР ЎТКАЗИЛДИ, МАВЗУ – ОВҚАТДАН ЗАҲАРЛАНИШНИНГ ОЛДИНИ ОЛИШ

Ўзбекистон Республикаси Бош Вазири - Фуқаро муҳофазаси бошлиғининг 2021 йил 21 январдаги 1-сонли буйруғи ҳамда Қорақалпоғистон Республикаси Вазирлар Кенгаши Раиси - Фуқаро муҳофазаси бошлиғининг 2021 йил 22 январь кунидаги “Республика аҳолисини
ва ҳудудларни фавқулодда вазиятлардан муҳофаза қилиш бўйича 2020 йилда бажарилган тадбирлар якуни ва 2021 йилдаги вазифалар тўғрисида” ги
2-сонли буйруғи ҳамда Қорақалпоғистон Республикаси Вазирлар Кенгаши Раиси – Фуқаро муҳофазаси бошлиғининг 2021 йил 26 март кундаги “Қорақалпоғистон Республикаси аҳолиси ва ҳудудларини радиацион, кимёвий ва тиббий-биологик муҳофаза қилиш билан боғлиқ фавқулодда вазиятлар профилактикаси бўйича кўргазмали махсус-тактик ўқув машқларини ўтказиш тўғрисида”ги 7-сонли буйруғига асосан яқинда “Овқатдан оммавий заҳарланиш – ботулизм касаллигининг олдини олишда ФВДТ тегишли хизматларининг ҳамкорликдаги ҳаракатлари” мавзусида амалий семинар ўтказилди.
Туман Тиббиёт бирлашмасининг мажлислар залида ўтказилган. амалий семинарга жами 43 нафар киши жалб қилинди. Ўқув машқи иштирокчиларининг барчасига мавзуга оид эслатмалар тарқатилди.
Ўқув машқига туман Фавқулодда вазиятлар бўлими ФВДТ ва фуқаро муҳофазаси фаолиятини ташкил этиш хавфсизлик тарғиботи бўлинмаси бошлиғи капитан Бекзод Тажибаев, туман санитария-эпидемиологик осойишталик ва жамоат саломатлиги бўлими шифокорлари Дурбек Бобожонов ва Аҳмад Ёбосаровлар, туман Тиббиёт бирлашмаси бошлиғи Фахриддин Абдуллаев ва кўп тармоқли марказий поликлиника инфекционист шифокорлари Г.Абдалова, А.Сапарова ҳамда барча қишлоқ оилавий поликлиникалардан мутасадди мутахассислар иштирок этдилар.
Амалий семинарда Тиббиёт бирлашмаси бошлиғи Ф.Абдуллаев “Йил давомида аҳоли орасида овқатдан заҳарарниш билан мурожаат этган беморлар ва уларга кўрсатилган тиббий муолажаларни ўтказиш тадбирлари”, туман Санитария-эпидемиологик осойишталик ва жамоат саломатлиги бўлими шифокорлари Дурбек Бобожонов ва Аҳмад Ёбосаровларнинг “Одамларнинг овқатдан оммавий заҳарланиши - ботулизм касаллигининг келиб чиқиши, тарқалиши ва унинг олдини олиш чоралари” мавзусидаги маърузалари ва суҳбатлари тингланди. Мутахассислар ўз маърузаларида ёз фаслида сифатли тез бузиладиган озиқ-овқат маҳсулотлари, шунингдек, ярим тайёр озиқ-овқатлар, турли хил салатларнинг сақланиш муддатлари, истеъмол қилиш қоидалари юзасидан зарур тавсиялар ва тушунчалар бердилар. Шу билан бирга ботулизм ва куйдирги касаллигининг келиб чиқиши ва аҳоли орасида тарқалишининг олдини олиш бўйича иштирокчилар томонидан тушган саволларга мутахассислар батафсил жавоб бердилар.

Ҳ.Матёкубов, Амударё тумани Фавқулодда вазиятлар бўлими бошлиғи, подполковник.