ShIFOKORLAR IShTIROKIDA AMALIY SEMINAR OʻTKAZILDI, MAVZU – OVQATDAN ZAHARLANIShNING OLDINI OLISh

Oʻzbekiston Respublikasi Bosh Vaziri - Fuqaro muhofazasi boshligʻining 2021-yil 21-yanvardagi 1-sonli buyrugʻi hamda Qoraqalpogʻiston Respublikasi Vazirlar Kengashi Raisi - Fuqaro muhofazasi boshligʻining 2021-yil 22-yanvar kunidagi “Respublika aholisini
va hududlarni favqulodda vaziyatlardan muhofaza qilish boʻyicha 2020-yilda bajarilgan tadbirlar yakuni va 2021-yildagi vazifalar toʻgʻrisida” gi
2-sonli buyrugʻi hamda Qoraqalpogʻiston Respublikasi Vazirlar Kengashi Raisi – Fuqaro muhofazasi boshligʻining 2021-yil 26-mart kundagi “Qoraqalpogʻiston Respublikasi aholisi va hududlarini radiatsion, kimyoviy va tibbiy-biologik muhofaza qilish bilan bogʻliq favqulodda vaziyatlar profilaktikasi boʻyicha koʻrgazmali maxsus-taktik oʻquv mashqlarini oʻtkazish toʻgʻrisida”gi 7-sonli buyrugʻiga asosan yaqinda “Ovqatdan ommaviy zaharlanish – botulizm kasalligining oldini olishda FVDT tegishli xizmatlarining hamkorlikdagi harakatlari” mavzusida amaliy seminar oʻtkazildi.
Tuman Tibbiyot birlashmasining majlislar zalida oʻtkazilgan. amaliy seminarga jami 43 nafar kishi jalb qilindi. Oʻquv mashqi ishtirokchilarining barchasiga mavzuga oid eslatmalar tarqatildi.
Oʻquv mashqiga tuman Favqulodda vaziyatlar boʻlimi FVDT va fuqaro muhofazasi faoliyatini tashkil etish xavfsizlik targʻiboti boʻlinmasi boshligʻi kapitan Bekzod Tajibayev, tuman sanitariya-epidemiologik osoyishtalik va jamoat salomatligi boʻlimi shifokorlari Durbek Bobojonov va Ahmad Yobosarovlar, tuman Tibbiyot birlashmasi boshligʻi Faxriddin Abdullayev va koʻp tarmoqli markaziy poliklinika infektsionist shifokorlari G.Abdalova, A.Saparova hamda barcha qishloq oilaviy poliklinikalardan mutasaddi mutaxassislar ishtirok etdilar.
Amaliy seminarda Tibbiyot birlashmasi boshligʻi F.Abdullayev “Yil davomida aholi orasida ovqatdan zahararnish bilan murojaat etgan bemorlar va ularga koʻrsatilgan tibbiy muolajalarni oʻtkazish tadbirlari”, tuman Sanitariya-epidemiologik osoyishtalik va jamoat salomatligi boʻlimi shifokorlari Durbek Bobojonov va Ahmad Yobosarovlarning “Odamlarning ovqatdan ommaviy zaharlanishi - botulizm kasalligining kelib chiqishi, tarqalishi va uning oldini olish choralari” mavzusidagi maʼruzalari va suhbatlari tinglandi. Mutaxassislar oʻz maʼruzalarida yoz faslida sifatli tez buziladigan oziq-ovqat mahsulotlari, shuningdek, yarim tayyor oziq-ovqatlar, turli xil salatlarning saqlanish muddatlari, isteʼmol qilish qoidalari yuzasidan zarur tavsiyalar va tushunchalar berdilar. Shu bilan birga botulizm va kuydirgi kasalligining kelib chiqishi va aholi orasida tarqalishining oldini olish boʻyicha ishtirokchilar tomonidan tushgan savollarga mutaxassislar batafsil javob berdilar.

H.Matyokubov, Amudaryo tumani Favqulodda vaziyatlar boʻlimi boshligʻi, podpolkovnik.