“Соғлом ҳаёт” дастури доирасида тарғибот тадбири ўтказилди
Жорий йилнинг 5 июль куни Амударё тумани Истироҳат боғида туман Маҳалла ва оилани қўллаб-қувватлаш бўлими, туман тиббиёт бирлашмаси ҳамда ички ишлар бўлими ҳамкорлигида соғлом турмуш тарзини кенг татбиқ этиш ва оммавий спортни янада ривожлантириш мақсадида “Соғлом ҳаёт” дастури доирасида тарғибот тадбири ўтказилди.
«Соғлом аёл — буюк келажак» ғоясини ўзида мужассам этган тадбир хотин-қизлар ўртасида соғлом турмуш тарзини мустаҳкамлаш, уларни жисмоний тарбия ва спорт билан оммавий тарзда шуғулланишга жалб қилиш мақсадида аёл-қизлар иштирокида соғломлаштириш машқларини бажариш билан бошланди.
Тадбирда туман Маҳалла ва оилани қўллаб қувватлаш бўлими бошлиғининг биринчи ўринбосари Муқаддас Бекназарова, туман тиббиёт бирлашмаси Аҳоли соғлом турмуш тарзини қўллаб-қувватлаш ва жисмоний фаоллигини ошириш бўлими мудири - Жумабой Явкашев, бўлим шифокори - Тамара Саидова, нарколог шифокор – Сардор Мадаминов, туман тиббиёт бирлашмаси ташкилий бўлим шифокори Карим Собиров, Гулзор маҳалласи оилавий шифокори Меҳри Ҳусаинова, туман ички ишлар бўлими бошлиғининг ҳуқуқбузарликлар профилактикаси бўйича ўринбосари Бахтиёр Ўразовлар иштирок этдилар.
Тадбирда таъкидланганидек, мамлакатимизда коронавирус пандемиясига қарши курашиш борасида қатор қонун ҳужжатлари, жумладан, Ўзбекистон Республикаси Президентининг “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони имзоланди. Мазкур фармон билан жисмоний тарбия ва оммавий спорт билан мунтазам шуғулланиш ҳамда соғлом турмуш тарзи бўйича ҳаётий кўникмаларни шакллантириш орқали ҳар бир фуқарода касалликка қарши кучли иммун тизими пайдо бўлишини таъминлаш, зарарли одатлардан воз кечиш, тўғри овқатланиш тамойилларига амал қилиш каби кўплаб чора-тадбирлар амалга оширилмоқда.
Шунингдек, тадбирда шифокорлар аҳолининг соғлом овқатланишга бўлган эҳтиёжларини қондиришни таъминлайдиган шарт-шароитлар яратиш зарурлигини, таркибида туз, қанд ва ёғ миқдори кўп бўлган ҳамда хамирли таом ва ширинликларни, нон маҳсулотларини истеъмол қилишни қисқартириш лозимлигини, зарарли одатлардан, хусусан, алкоголь ва тамаки маҳсулотларини истеъмол қилишдан воз кечиш йўли билан касалликка чалиниш, ортиқча вазн ҳолатлари (семизлик) ва бевақт вафот этишни камайтириш мумкинлини қайд этдилар.
Қолаверса, аҳоли ўртасида соғлом овқатланиш маданиятини кенг тарғиб қилиш, шу жумладан, тартибсиз ва кечки уйқу олдидан овқатланиш одатларидан воз кечиш соғлом турмуш тарзининг асосларидан бири эканлиги таъкидланди.
Шу билан бирга аҳоли ўртасида, айниқса, оилалар, маҳаллалар, мактабгача таълим ва умумтаълим муассасаларида санитария-гигиена қоидаларига риоя этилишини соғлом турмуш тарзининг ажралмас қисми сифатида тарғиб қилиш энг асосий вазифалардан бири этиб белгиланди.
Тадбирда барча таълим-тарбия масканларида, корхона, ташкилот ва бошқа турдаги барча муассасаларда жисмоний тарбия ва спорт билан шуғулланиш учун барча шарт-шароитлар яратиш лозимлиги каби масалалар юзасидан маърузалар қилинди.
Гавҳар Чимбайчиева, туман Маҳалла ва оилани қўллаб-қувватлаш бўлими бош мутахассиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
