ЁШЛАРНИ ОТ СПОРТИГА ҚИЗИҚТИРИШ МАҚСАДИДА ТАДБИР ЎТКАЗИЛДИ
Юртимизда от спортини ривожлантириш, ушбу спорт турини ёшлар орасида оммалаштириш ва от спорти бўйича турли мусобақаларни ташкил этиш кабиларга алоҳида эътибор қаратила бошлади. Бу борада Президентимизнинг “Йилқичилик ва от спортини янада ривожлантириш ҳамда замонавий бешкураш ва поло спорт турини оммалаштириш бўйича қўшимча чора-тадбирлар тўғрисида”ги Қарори қабул қилиниб, тегишли чора-тадбирлар белгилаб олинди.
Яқинда туманимиз ёшларини ҳам от спортига қизиқтириш ва ушбу спорт турини ривожлантириш мақсадида Болалар ва ўсмирлар спорт мактабида спортчи-ёшлар билан учрашув ўтказилди. Туман Туризм ва спорт бўлими, Миллий гвардия қўриқлаш бўлими, ДХХ чегара қўшинларига қарашли ҳарбий қисм масъуллари иштирокида ўтказилган тадбирда от спорти тарихи ҳақида батафсил маълумотлар берилди. От спортида асосан тўсиқлардан сакраш, от йўрттириш, учкураш турлари бўйича маҳоратга эга бўлиш кераклиги, миллий от спортининг халқаро майдонларда довруғини ошириш ҳамда Ўзбекистон Республикаси чемпионатлари ва кубоклари, Халқаро турнирларда муваффақиятли иштирок этиб, ватанимиз шаънини муносиб ҳимоя қилишга ҳаракат қилиш лозимлиги тушунтирилди.
Тадбирда ДХХ чегара қўшинларига қарашли ҳарбий қисмга қарашли хизмат оти ва ити иштирокида трюклари кўрсатиб берилди. Ёш спортчиларни қизиқтирган саволларга тўлиқ жавоблар берилиб, фаол иштирок этган ёшларга фахрий ёрлиқлар тақдим этилди.
М. Шомуродов.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
