ШАРОФИДДИН БОЛТАБОЕВ АМУДАРЁЛИКЛАР ФАХРИ
Шарофиддин Болтабоев номини эшитганда туманимиздаги ҳар бир амударёлик қалбида ўзгача бир фахр, ҳавас уйғонади. Амударёлик спортчи Шарофиддин Болтабоевнинг дзюдо спорти бўйича дунёдаги нуфузли мусобақаларда эришаётган ютуқлари, қўлга киритган совринлари спортчиларимизни янада руҳлантириб, олға интилишларига туртки бўлмоқда, десак асло муболаға бўлмайди.
Шарофиддиннинг спортга бўлган қизиқиши болалик чоғларидан жуда юқори бўлган. У тумандаги 1-сонли умумтаълим мактабида таълим олаётган кезлариданоқ Болалар-ўсмирлар спорт мактабида спортнинг дзюдо тури билан шуғуллана бошлаган. Мактабни тамомлагач, Чирчиқ Олимпия заҳиралари коллежида таълимни давом эттириб, 2014 йилда коллежни тугатган. Шу даврга қадар ёш чемпион дзюдо спорт тури бўйича қатнашган мусобақаларида эришган натижаларига кўра 81 килогргамм вазн тоифасида дунё рейтингида 4881 балл билан 7-ўринда туради.
Таъкидлаш керакки, Шарофиддин Болтабоев кўпгина халқаро турнирларда, Осиё ва жаҳон чемпиoнатларида фахрли ўринларни эгаллаб, юртимиз байроғини кўкларга кўтариб келмоқда. Айниқса, сўнгги икки йилда қўлга киритган ютуқлари фахрланишга арзийди. Жумладан, Ўзбекистон дзю-до терма жамоаси аъзоси Шарофиддин 2019 йил Тошкентда бўлиб ўтган “TASHKENT GRAND PRIX – 2019” халқаро мусобақасида 81 килограмм вазн тоифасида иштирок этди. Илк – саралаш босқичида рақибини атиги 2 сонияда мағлуб қилиб, фахрли биринчи ўринни эгаллади ҳамда дзюдо бўйича халқаро гранд-при рекордини янгилади.
Шунингдек, амударёлик ёш чемпиoн 2020 йилда Франция пойтахти Париж шаҳрида «Катта Дубулға» туркумига кирувчи нуфузли турнирда иштирок этиб, муросасиз баҳсларда фахрли 2-ўринни эгаллади ҳамда кумуш медаллари сонини яна биттага кўпайтирди.
Чемпион юртдошимизнинг 2021 йил 18 февралда Исроил пойтахти Тель-Авивда дзюдо бўйича «Катта Дубулға» турнирида иштирок этиб, қўлга киритган ғалабаси Токио Олимпиадаси учун навбатдаги 1000 очкони олиб келди. Қолаверса, Шарофиддин Болтабоев 2021 йил 5 март санасида Тошкентда ўтказилган «Катта Дубулға» мусобақасининг кумуш медалига ҳам сазовор бўлди ва қимматли 700 рейтинг очкосини қўлга киритди.
Юртдошимиз, дзюдо чемпиони Ш.Болтабоевнинг мислсиз ғалабалари билан доим фахрланамиз.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
