Туманимизда Ўзбекистон Республикаси Президенти сайловига қизғин тайёргарлик кўрилмоқда

Маълумки, Ўзбекистон Республикаси Президентининг “2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури тўғрисида”ги фармонига кўра Ўзбекистон Республикаси Президенти сайловига тайёргарлик кўриш ва уни юксак савияда ўтказиш бўйича аниқ чоралар белгиланган эди.

Муҳим сиёсий жараён бўлмиш Ўзбекистон Республикаси Президенти сайловига муносиб тайёргарлик кўриш ҳамда уни юксак савияда ўтказиш борасида Амударё туманида ҳам тизимли ишлар қилинмоқда.

Хусусан, туман ҳудудидаги сайлов участкалари жойлаштирилиши мўлжалланган бинолар инвентаризациядан ўтказилиб, сайлов участкаларининг жойлашуви лойиҳаси ишлаб чиқилди. Туманда жами 64 та сайлов участкалари ташкил қилинади. Мазкур сайлов участкаларининг 53 таси умумтаълим мактабларида, 2 таси касб-ҳунар мактабида, 1 таси мусиқа ва санъат мактабида, 1 таси муҳандислик техникумида, 1 таси спорт мактабида ва 3 таси маданият муассасаларида, 2 таси фуқаролар йиғинлари биноларида ва 1 таси ташкилот биносида жойлаштирилиши кўзда тутилган.

Туманда ташкил этиладиган 64 та участка сайлов комиссиялари сайловчилар сонига қараб ҳар бири 11-15 нафар аъзодан иборат таркиби шакллантирилади. Шундан, 1-сектор бўйича 12 фуқаролар йиғини ҳудудида 16 та участка, 2-сектор бўйича 17 та фуқаролар йиғини ҳудудида 21 та участка, 3-сектор бўйича 12 та фуқаролар йиғини ҳудудида 18 та участка, 4-сектор бўйича 8 та фуқаролар йиғини ҳудудида 9 та участка сайлов комиссиялари таркиби шакллантирилади.

Сайлов куни овоз бериш амалга оширилиши режалаштирилган умумтаълим мактабларидаги мавжуд муаммо ва камчиликларни бартараф этиш мақсадида жами 12 маблағ ажратилган. Камчиликлар аниқланган объектларнинг барчасида қурилиш-таъмирлаш ишлари амалга оширилмоқда. Сайлов муносабати билан ў

Шунингдек, сиёсий партияларнинг туман ташкилотлари ҳам етарли шароитлар мавжуд биноларда жойлашган. Хусусан, “Ўзбекистон Ҳалқ Демократик партияси” туман кенгаши Маҳалла ва оилани қўллаб қувватлаш бўлими  биносида, “Ўзбекистон Экологик партияси” туман кенгашига Аҳоли бандлигига кўмаклашиш маркази биносида, “Миллий тикланиш демократик партияси” туман кенгаши Бюджетдан ташқари пенсия жамғармаси туман бўлими биносида, “Адолат социал-демократик партияси” туман кенгаши Молия бўлими биносида, ЎзЛиДеП туман кенгаши эса туман Мактабгача таълим бўлими биносида жойлашган бўлиб, партия масъуллари компьютер жамланмалари, интернет ҳамда керакли жиҳозлар билан таъминланган ва улар ҳам ушбу муҳим сиёсий жараёнга пухта тайёргарлик кўрмоқдалар.

Туман ҳокимлигининг Ахборот хизмати.