Tumanimizda Oʻzbekiston Respublikasi Prezidenti sayloviga qizgʻin tayyorgarlik koʻrilmoqda

Maʼlumki, Oʻzbekiston Respublikasi Prezidentining “2017–2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi toʻgʻrisida”gi farmoniga koʻra Oʻzbekiston Respublikasi Prezidenti sayloviga tayyorgarlik koʻrish va uni yuksak saviyada oʻtkazish boʻyicha aniq choralar belgilangan edi.

Muhim siyosiy jarayon boʻlmish Oʻzbekiston Respublikasi Prezidenti sayloviga munosib tayyorgarlik koʻrish hamda uni yuksak saviyada oʻtkazish borasida Amudaryo tumanida ham tizimli ishlar qilinmoqda.

Xususan, tuman hududidagi saylov uchastkalari joylashtirilishi moʻljallangan binolar inventarizatsiyadan oʻtkazilib, saylov uchastkalarining joylashuvi loyihasi ishlab chiqildi. Tumanda jami 64 ta saylov uchastkalari tashkil qilinadi. Mazkur saylov uchastkalarining 53 tasi umumtaʼlim maktablarida, 2 tasi kasb-hunar maktabida, 1 tasi musiqa va sanʼat maktabida, 1 tasi muhandislik texnikumida, 1 tasi sport maktabida va 3 tasi madaniyat muassasalarida, 2 tasi fuqarolar yigʻinlari binolarida va 1 tasi tashkilot binosida joylashtirilishi koʻzda tutilgan.

Tumanda tashkil etiladigan 64 ta uchastka saylov komissiyalari saylovchilar soniga qarab har biri 11-15 nafar aʼzodan iborat tarkibi shakllantiriladi. Shundan, 1-sektor boʻyicha 12 fuqarolar yigʻini hududida 16 ta uchastka, 2-sektor boʻyicha 17 ta fuqarolar yigʻini hududida 21 ta uchastka, 3-sektor boʻyicha 12 ta fuqarolar yigʻini hududida 18 ta uchastka, 4-sektor boʻyicha 8 ta fuqarolar yigʻini hududida 9 ta uchastka saylov komissiyalari tarkibi shakllantiriladi.

Saylov kuni ovoz berish amalga oshirilishi rejalashtirilgan umumtaʼlim maktablaridagi mavjud muammo va kamchiliklarni bartaraf etish maqsadida jami 12 mablagʻ ajratilgan. Kamchiliklar aniqlangan obʼektlarning barchasida qurilish-taʼmirlash ishlari amalga oshirilmoqda. Saylov munosabati bilan oʻ

Shuningdek, siyosiy partiyalarning tuman tashkilotlari ham yetarli sharoitlar mavjud binolarda joylashgan. Xususan, “Oʻzbekiston Halq Demokratik partiyasi” tuman kengashi Mahalla va oilani qoʻllab quvvatlash boʻlimi  binosida, “Oʻzbekiston Ekologik partiyasi” tuman kengashiga Aholi bandligiga koʻmaklashish markazi binosida, “Milliy tiklanish demokratik partiyasi” tuman kengashi Byudjetdan tashqari pensiya jamgʻarmasi tuman boʻlimi binosida, “Adolat sotsial-demokratik partiyasi” tuman kengashi Moliya boʻlimi binosida, OʻzLiDeP tuman kengashi esa tuman Maktabgacha taʼlim boʻlimi binosida joylashgan boʻlib, partiya masʼullari kompyuter jamlanmalari, internet hamda kerakli jihozlar bilan taʼminlangan va ular ham ushbu muhim siyosiy jarayonga puxta tayyorgarlik koʻrmoqdalar.

Tuman hokimligining Axborot xizmati.