Тадбиркорлик субъектларига қабул қилинаётган қонуний ҳужжатлар мазмун-моҳияти тушунтирилмоқда
Маълумки, мамлакатимизда озиқ-овқат хавфсизлигини таъминлаш, шунингдек, паррандачиликни ривожлантириш ва тармоқ озуқа базасини янада мустаҳкамлаш ҳамда паррандачилик йўналишидаги тадбиркорлик субъектларини қўллаб-қувватлаш мақсадида жорий йилнинг 14 июнь санасида Ўзбекистон Республикаси Президентининг “Паррандачиликни ривожлантириш ва тармоқ озуқа базасини мустаҳкамлашга қаратилган қўшимча чора-тадбирлар тўғрисида”ги Қарори қабул қилинди. Мазкур қарор мамлакатимизда паррандачиликни яняда ривожлантиришда муҳим дастуруламал бўлмоқда.
Жорий йилнинг 10 август куни Амударё тумани Давлат солиқ инспекцияси ходимлари томонидан туманимиздаги тадбиркорларга мазкур қарорнинг мазмун-моҳияти, унда белгиланган вазифалар, тадбиркорлик субъектларига кўрсатилган имтиёзлар хусусида тушунтириш-тарғибот ишлари олиб борилди.
Масъуллар туманимизда фаолият юритиб келаётган “Ўрта қалъа чорвадори” агрофирмасининг паррандачилик фаолияти билан танишдилар. Агрофирма тадбиркор Ғуломжон Расулов томонидан ташкил қилинган бўлиб, унда Бештом маҳалласи ҳудудида ҳар ойда ўртача 40 минг дона наслли парранда етиштириб келинмоқда. Агрофирма парранда гўшти маҳсулотлари етиштирилиб туманимиз аҳолисини арзон ва сифатли гўшт маҳсулотлари билан таъминлаб келмоқда.
Айтиш керакки, Ўзбекистон Республикаси Президентининг “Паррандачиликни ривожлантириш ва тармоқ озуқа базасини мустаҳкамлашга қаратилган қўшимча чора-тадбирлар тўғрисида”ги қарори билан 2021 йил 1 июндан бошлаб қўшилган қиймат солиғи тўловчиси бўлган паррандачилик хўжаликларига — ўз хўжаликларида етиштирилиб, реализация қилинган тухумнинг ҳар бир донаси учун 50 сўм ҳамда парранда гўштининг ҳар бир килограмми учун 1 000 сўм миқдорида республика бюджетидан субсидия ажратилиши белгиланди.
Шунингдек, мазкур ҳужжатда 2021 йил 1 июлдан бошлаб 2024 йил 1 июлга қадар асосий фаолият тури паррандачилик бўлган тадбиркорлик субъектлари учун уларнинг асосий фаолият тури бўйича тижорат банкларида жойлаштирилган маблағлардан олинган фоизлардан ташқари фойда солиғи, мол-мулк солиғи, ер солиғи ва сув ресурсларидан фойдаланганлик учун солиқ ставкаси 50 фоиз миқдорида қўлланилиши белгиланди.
Қолаверса, эндиликда 2022 йил 1 июлга қадар тухум, парранда гўшти ва маҳсулотларини экспорт қилувчи ҳамда соя донини импорт қилувчи тадбиркорлик субъектларига автомобиль, темир йўл ва ҳаво транспортида ташиш харажатларини 50 фоизигача миқдорда компенсация қилишга субсидиялар тақдим этилади.
Амударё тумани Давлат солиқ инспекцияси ходимлари чорвачилик ва паррандачилик билан шуғулланувчи тадбиркорларга мазкур қарорнинг мазмун-моҳияти, у билан берилган имтиёзлар кенг тушунтирилиб, тадбиркорларга амалий ёрдамлар кўрсатилмоқда.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
