2021 йил сарҳисоби: АҲОЛИ САЛОМАТЛИГИНИ МУСТАҲКАМЛАШ - БУРЧИМИЗ
Айни пайтда туман Тиббиёт бирлашмаси таркибида 36 ўринли хўжалик ҳисобидаги реабилитация бўлими ва 40 ўринли ШТЁБ, 10 та 1255 қатнов-қувватга эга бўлган амбулатория-поликлиника муассасаси, 1 та кўп тармоқли марказий поликлиника, 7 та Оилавий поликлиника ва 3 та Оилавий шифокорлик пункти, 1 та Санитария-эпидемиологик осойишталик ва жамоат саломатлиги маркази фаолият кўрсатади.
“103” тез тиббий ёрдам хизмати марказида 4 та бригада мавжуд бўлиб, шундан 1 таси реанимацион бригада ҳисобланади ва 11 та шохобчада халқимизга намунали хизмат кўрсатиш йўлга қўйилган. 2021 йил 11 ойи давомида аҳолидан 44470 та мурожаат келиб тушган бўлса, 47252 нафар беморга тез тиббий ёрдам кўрсатилди. Оналик ва болаликни муҳофаза қилиш йўналишида вояга етмаган болаларни тиббий кўрикдан ўтказиш учун тор доирадаги мутахассис шифокорлардан иборат 4 та бригада тузилди ва 2021 йилнинг 11 ойида жами 69967 нафар болалар тиббий кўрикдан ўтказилди. 33268 нафар болалар турли юқумли касалликларга қарши эмланди.
2021 йилнинг 11 ойида ҳисобга олинган ҳомиладорлардан 300 нафари Оролбўйи Скрининг маркази текширувидан, 2646 нафар ҳомиладор аёл эса туман перинатал хонасида кўрикдан ўтказилди.
Ривожланишида нуқсони бўлган ногирон болалардан 4 нафари Қорақалпоғистон Республикаси реабилитация марказига юборилиб, соғломлаштириш чоралари кўрилди, 8 нафар ногирон болаларга протез-ортопедия воситалари берилди. Ижтимоий ҳимояга муҳтож ногирон болалар туман Тиббиёт бирлашмаси томонидан бепул дори-дармон воситалари билан таъминланмокда.
Туманда “Аёллар дафтари”га киритилган, тиббий ёрдамга муҳтож аёллар сони 92 нафарни ташкил этиб, уларга даво муолажалари ўтказилиши учун “Аёллар дафтари жамғармаси” ҳисобидан 119 млн. 150 минг сўм, “Саховат ва кўмак” жамғармаси ҳисобидан 8 млн. 951 минг 875 сўм, туман Тиббиёт бирлашмаси ҳисобидан 848,6 млн. сўм маблағ ажратилди. Шунингдек, тумандаги 36157 та хонадонда тиббий хатлов ўтказилди ва хатловдан ўтказилган аҳоли орасида аниқланган турли хил сурункали касалликлар бўйича муолажа чоралари белгиланди.
Туманимизда коронавирус касаллигига қарши жами 197138 (+450 Қуролли кучлар учун) доза вакцина олиб келинди ва эмлаш ишлари амалга оширилди.
Жорий йилда 15 ёшгача бўлган 49378 нафар болалар ва ҳомиладор аёлларга 7 турдаги витаминлар, болалар учун паразитар касалликларга қарши дори воситалари бепул тарқатилмоқда. Бу жараён билан 2021 йилда туманимизда 60 минг нафар аҳоли қамраб олинган бўлса, 2022 йилда 80 минг нафар аҳоли қамраб олиниши кўзда тутилган.
З.ЎРОЗБОЕВ, туман Тиббиёт бирлашмаси бошлиғининг
даволаш ишлари бўйича ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
