“Адолат” СДП депутати ўз сайловчилари билан учрашди
Бугун ҳаёт шиддат билан ўзгариб, кундан-кунга олдимизга янги талаблар қўймоқда. Ана шундай бир вазиятда халқ вакили бўлган депутат ҳаётни зийрак бўлиб кузатиб бориши, ўйлаши, аҳолини ташвишлантириб келаётган масалаларни ҳал этиш чораларини доимий излаши керак.
Халқ депутатлари Амударё туман Кенгашига “Адолат” социал-демократик партиясидан сайланган депутат Акбар Ражапов ҳам ўз депутатлик бурчини ҳис қилиб олдига қўйилган вазифаларни сидқидилдан бажармоқда. Депутат 28-“Дарё бўйи” сайлов округидан туман Кенгши депутатлигига сайланган кундан эътиборан аҳоли муаммолари билан тизимли равишда ишлаб келмоқда.
Бугун депутат томонидан ҳудудларда ўтказилаётган сайёр қабуллар ҳамда учрашувлар ўзининг ижобий самарасини бермоқда. Сабаби, аҳоли муаммоларини жойларга чиққан ҳолда ўрганиш, улар билан юзма-юз кўришиб мурожаатларини тинглаш қолаверса, фуқароларнинг давлат идораларига мурожаат қилишларида қулайликлар яратиш ҳар қачонгидан ҳам муҳим ва долзар аҳамият касб этади.
4 март куни депутат Акбар Ражапов ҳамда партиянинг депутатлик гуруҳи аъзолари томонидан Беш том маҳалла фуқаролар йиғинида аҳоли билан учрашув бўлиб ўтди. Учрашувда маҳалла раиси Озод Сейтимов, маҳаллага бириктирилган ҳоким ёрдамчиси Жасур Ерметов, Ёшлар етакчиси Ҳусан Аширбаевлар ҳам қатнашиб аҳолининг муаммо ва таклифларидан иборат мурожаатларини тинглашди.
Учрашув давомида ўз тадбиркорлик фаолиятини йўлга қўйишни истаган фуқаролардан Бозоргул Сапарова аҳолини тоза ичимлик суви билан таъминлаш истаги борлигини билдириб, сув тозаловчи ускуна олишда амалий ёрдам берилишини, Ўрозбика Ўтамуратова имтиёзли кредит ажратилиши бўйича, ҳамда Ўразимбат Сапарниязов ер ажратилиши масалаларида мурожаат қилишди. Мурожаатлар депутат томонидан қайд этиб борилди. Ҳамда тегишли тартибда тушунтиришлиб тез кунда ҳал этилишига келишиб олинди.
Шундан сўнг, маҳалла ҳудудида яшовчи фуқаролар томонидан экин ерларини суғоришда муаммолар мавжудлиги бўйича мурожаат келиб тушди. Депутат томонидан шу ернинг ўзида тегишли чора −тадбирлар ишлаб чиқилиб техник воситалар жалб қилинди ҳамда ариқлар тозаланиб оқова сув йўли кенгайтирилди.
Бундан ташқари, “Адолат” социал-демократик партияси депутатлик гуруҳи аъзолари ҳам “Темир дафтар” ва “Аёллар дафтари” да турувчи Қурол Бекенов, Флюра Холбаева, Нодира Жуманиязова, Гуласал Камалова ҳамда Гулбаҳор Холимбетовалар ҳолидан хабар олиб 1 қоп ун тарқатишди. Фуқаролар кўрсатилган эътибор ва ғамхўрликдан мамнун бўлишиб депутатларга миннаддорлик билдиришди.
Шу кунга қадар аҳолининг турмуш даражасини кўтариш, ижтимоий жиҳатдан муҳтож аҳолининг ҳуқуқий муҳофазасини таъминлаш борасида партия ташаббуси билан кўплаб таклифлар киритилиб келинган. Партиялардан туман Кенгашига сайланган барча депутатлар ўз дастурларидан келиб чиқиб ўз фаолиятларини самарали тарзда амалга оширишмоқда.
Шу ўринда айтиш керакки, ҳар бир сиёсий партия ўзгача қарашлар ва тамойилларга асосланса ҳам, улар асосий мақсад − Ватан равнақи йўлида бирлашадилар.
Ў.Юлдашев, “Адолат ” СДП Амударё туман Кенгаши раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
