“САНЪАТИМ СЕНГА, ОБОД ЮРТИМ!” ИЖОДИЙ КЎРИК-ТАНЛОВИНИНГ ТУМАН БОСҚИЧИ ҒОЛИБЛАРИ АНИҚЛАНДИ

Ўқувчи-ёшларнинг истеъдоди ва қобилиятини намоён этиш, ўзбек маданиятини юқори савияга олиб чиқиш каби мақсадларда ҳудудларда “Санъатим сенга, обод юртим!” ижодий кўрик-танлови ташкил этилмоқда.

11 апрель куни 9-сонли Болалар мусиқа ва санъат мактабида ушбу ижодий кўрик-танловнинг туман босқичи бўлиб ўтди. Кўрик-танловда тумандаги бадиий ҳаваскорликка иқтидори бўлган ёшлар иштирок этдилар. Унда ҳаваскор ёшлар анъанавий хонандачилик, эстрада хонандалиги, рақс санъати, бахшичилик каби тўрт йўналишда беллашишди.

Кўрик-танловнинг якуний натижаларига кўра, эстрада хонандалиги йўналиши бўйича 1-ўрин 9-сонли мактаб ўқувчиси С.Мавланберганова ҳамда 82-сонли мактаб ўқувчиси Т.Собировлар, 2-ўрин 55-сонли мактаб ўқувчиси А.Собиров ҳамда 76-сонли мактабдан Н.Ҳайтимбетовлар, 3-ўрин 40-сонли мактабдан И.Мунажаддинова ҳамда О.Музаффаровларга берилди. Анъанавий хонандалик йўналиши бўйича 1-ўринга 56-сонли мактабдан К.Холбоев, 2-ўринга 69-сонли мактабдан С.Бектурсунова ҳамда Б.Исмоиловлар, 3-ўринга 40-сонли мактабдан Ж.Ўринбоев ҳамда 15-сонли мактабдан С.Юсуфбоев, Ф.Қурбонбоевлар муносиб деб топилди.

Бахшичилик йўналишида 64-сонли мактабдан Жўрабек Саидабдуллаев 1-ўрин, 39-сонли мактабдан Отабек Жумабоев, 64-сонли мактабдан Жавоҳир Саидабдуллаевлар 2-ўрин ғолиблари бўлдилар. Рақс санъати йўналишида 16-мактабдан Г.Ўринбоевага 1-ўрин, 43-сонли мактабдан Ф.Тозабоева, Ш.Тозабоеваларга 2-ўрин, 76-сонли мактабдан М.Ешимбетовага 3-ўрин ғолиблиги берилди.

Ғолибларга ташкилотчилар томонидан фахрий ёрлиқ ва совғалар берилди.

Насиба Эшчанова, туман Маданият бўлими ходими.