Уйшин маҳалласида ҳоким ва ёшлар учрашуви бўлиб ўтди
Бугунги кун ёшлари ҳар томонлама салоҳиятга ва иқтидорга эга эканликларини амалда исботламоқда. Турли соҳа ва йўналишларда ютуқларни қўлга киритаётган ўғил-қизларимизнинг мувафаққияти сўзимизга исбот бўла олади.
Аммо, яратилаётган имкониятлар ва шароитларга қарамасдан турли муаммо ва тўсиқларга дуч келаётган, ўз қизиқиши бўйича касб ёки ҳунар эгаллаб, иқтидорини намоён қила олмаётган ёшлар сони ҳам кам эмас. Ана шундай ёшларни қўллаб-қувватлаш масаласи эса ҳоким ва ёшлар учрашувлари орқали ҳал қилинмоқда.
14 апрель куни туманимизнинг Уйшин маҳалласи ҳудудида жойлашган Уйшин маданият маркази биносида 32 нафар фаол ёшлар билан “Ҳоким ва ёшлар учрашуви” бўлиб ўтди.
Очиқ мулоқот тарзида ўтган мазкур учрашувда туман ҳокимлиги масъуллари, тегишли корхона ва ташкилот вакиллари иштирок этиб, ёшларнинг таклиф ва муаммоларидан иборат мурожаатларини тингладилар.
Йиғилишни туман ҳокими Султонбой Йўлдашев олиб борди ҳамда давлатимиз ва ҳукуматимиз томонидан ёшларни қўллаб-қувватлаш мақсадида қабул қилинган барча қарор ва фармонлар негизида Ватан келажагини ўз тақдирида кўрувчи фидоий ёшларни тарбиялаб, вояга етказишдек эзгу амаллар мажассам эканини таъкидлади.
Шунингдек, йиғилишда ёшларнинг бандлигини таъминлаш, қўшимча иш ўринларини яратиш, ёш тадбиркорлар сафини кенгайтиришга қаратилган муҳим чора-тадбирлар белгиланган режалар асосида олиб борилаётгани қайд этиб ўтилди.
Шундан сўнг туман Халқ қабулхонаси бўлими мудири Эркин Ражабов Халқ қабулхонасига ўз муаммолари билан келган ҳар бир фуқаронинг мурожаатлари имкон қадар бартараф этилишиини айтиб, туманимизнинг чекка ҳудудларида истиқомат қилувчи ёшларнинг муаммолари ҳам сайёр қабул тарзида кўриб чиқилаётганлигини ва ҳеч бир мурожаат эътибордан четда қолмаслигини таъкидлади.
Йиғилиш давомда маҳалла ёшларидан Азмиддин Олламберганов, Севара Ибраҳимова, Озода Жалоловалар оилавий шароити туфайли контракт-тўловини тўлашда қийинчиликларга дуч келаётганликларини билдириб, тўловларининг бир қисмини қоплаб беришда туман ҳокимидан амалий ёрдам сўрашди.
Ундан ташқари, Бахтжон Еркаев туман ҳокимига деҳқончилик йўналишида тадбиркорлик қилиш истаги борлигини билдириб, қишлоқ хўжалиги майдонларидан 25 сотих ер майдони ажратиб берилишида ёрдам сўради. Умарбек Жумабоев эса чорвачилик йўналишини йўлга қўйиш учун имтиёзли кредит ажратилиши бўйича амалий ёрдам сўраб мурожаат қилди.
Мурожаатлар туман ҳокими томонидан алоҳида назоратга олиниб, ўрнатилган тартибда кўриб чиқилиши ва амалдаги тартиб асосида мурожаат эгаларига ёрдамлар кўрсатилиши маълум қилинди.
Бугун ёшлар яратилаётган ҳар бир имкониятдан унумли фойдаланишга интилмоқда. Учрашув давомида берилган саволлар ва билдирилан муаммолардан ҳам билса бўладики, бугун ҳар бир ўғил-қизнинг ўз режалари ва мақсадлари бор. Чунки, давлатимиз томонидан олиб борилаётган ёшлар сиёсати уларни янада илҳомлантирмоқда.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
