Ҳоким ёрдамчиларига планшетлар топширилди

Ўзбекистон Республикаси Вазирлар Маҳкамасининг 2022 йил 16 февраль кунги қарори билан Ҳоким ёрдамчилари фаолиятини қўллаб-қувватлаш жамғармаси ташкил этилган эди.

Жамғарма маблағларидан молиялаштириладиган асосий йўналишлардан бири сифатида ҳоким ёрдамчилари фаолиятини самарали ташкил этишга компьютерлар, планшетлар, мультимедиа ва тармоқ қурилмалари ҳамда дастурий таъминотларни харид қилиш харажатлари кўрсатилган.

Шу мақсадда, жамғарма маблағлари ҳисобидан 21 нафар ҳоким ёрдамчисига сўнгги, замонавий русмдаги компютерлар, 16 нафарига керакли иш жиҳозлари хамда замонавий мебеллар топширилган эди.

17 май куни туман ҳокимлигида ҳоким ёрдамчилари билан йиғилиш бўлиб ўтди. Йиғилишда туман ҳокими Султонбой Йўлдашев қатнашиб, ҳоким ёрдамчиларига электрон платформаларга уланган, масофадан туриб ҳисоботлар тақдим этиш, хамда видеокоференцаалоқа шаклида йиғилишларда иштирок этиш имконини берувчи планшетларни тантанали равишда топширди.

Шунингдек, туман ҳокими ҳоким ёрдамчилари фаолиятини самарали ташкил этиш, уларнинг аҳоли билан ишлаш борасидаги тажриба ва малакаларини бойитиш юзасидан ўз таклиф ва тавсияларини ҳам бериб ўтди.

Шу ўринда айтиш керакки, бугун Республикамизнинг барча ҳудудларида 9 минг нафардан зиёд ҳоким ёрдамчилари ўз фаолиятларини олиб бормоқда.

Жумладан, улар сектор раҳбарлари билан биргаликда маҳаллани ижтимоий-иқтисодий ривожлантириш йўналишларини белгилаш, хонадонбай асосда маҳалладаги ҳақиқий ижтимоий вазиятни аниқлаш, маҳалланинг “ўсиш нуқтаси”дан келиб чиқиб, таклиф этилаётган янги лойиҳаларни амалга оширишга кўмаклашиш, аҳолини касб-ҳунар ва тадбиркорликка ўқитиш ва уларнинг бандлигини таъминлаш бўйича кўплаб тизимли ишларни амалга оширмоқдалар.

Қолаверса, фуқаролар билан мулоқотлар жараёнида “дафтарлар” доирасида ўрганишлар ўтказилиб, ижтимоий реестрни қайтадан янгилашмоқда. Бунда ўз-ўзидан маҳаллалар қиёфаси шаклланиб, ижтимоий муҳитни яхшилашга доир вазифалар ҳам белгиланмоқда.

Қолаверса, ҳоким ёрдамчилари тадбиркорлик фаолиятини йўлга қўйган аҳолини қўллаб-қувватлаш мақсадида туман фермер, деҳқон хўжаликлари ва томорқа ер эгалари Кенгаши билан ҳамкорликда сифатли уруғ, кўчатлар етказиб бериш, биологик ўғитлар билан таъминлаш, экспорт кўламини кенгайтириш бўйича изчил саъй-ҳаракатлар олиб бормоқда.

Мамлакатимизда амалга оширилаётган бундай ислоҳатлар “Инсон қадри ҳар нарсадан устун” тамойили асосида амалга оширилмоқда.

Ушбу йилнинг “Инсон қадрини улуғлаш ва фаол маҳалла йили” деб номланганлигининг ўзида ҳам алоҳида рамзий маъно бор. Маҳалла институтининг устунлари ҳисобланган маҳалла раиси, ҳоким ёрдамчиси, хотин-қизлар фаоли, ёшлар етакчиси ўз маҳалласида истиқомат қилаётган ҳар бир фуқаронинг ишончли вакили сифатида фаолият юритиб, маҳалладошларининг ҳурмат ва эътибоига сазовор бўлмоқда.

Туман ҳокимлигининг Ахборот хизмати