Ўқувчи ёшлар ўртасида “Гиёҳвандликка қарши кураш” мавзусида йиғилиш бўлиб ўтди
Амударё тумани халқ таълими бўлимига қарашли 86-сонли мактаб биносида ўқувчи ёшлар ўртасида “Гиёҳвандликка қарши кураш” мавзусида йиғилиш бўлиб ўтди.
Йиғилишда туман Давлат хавфсилик хизмати, Ички ишлар бўлими, тиббиёт бирлашмаси ходимлари ва маҳалла фаоллари, мактабнинг юқори синф ўқувчилари ҳамда педагог ҳодимлар иштирок этишди.
Йиғилишда кун тартибидаги масала юзасидан сўзга чиққанлар гиёҳвандлик – жиноятчилик ва зўравонликни келтириб чиқарадиган сабаблардан бири эканлиги ҳақида сўз юритдилар. Гиёҳвандликка қарши курашиш, республикамиз ҳудудига наркотик моддалар кириб келиши ва тарқалишининг олдини олишда ҳуқуқ-тартибот идоралари томонидан кескин кураш олиб борилаётгани таъкидланди.
Амударё тумани тиббиёт бирлашмасининг нарколог врачи ўз сўзида гиёҳванд моддаларнинг инсон организмига салбий таъсири, гиёҳвандлик натижасида келиб чиқадиган касалликлар юзасидан гапириб, айниқса, бунинг натижасида асримизнинг энг хавфли касалликлари –ОИВ инфексияси ва бошқа турдаги юқумли касалликларнинг тез тарқалиши учун шароит яратилишини мисоллар билан исботлаб ўтди. Шу билаб бирга, сўзи якунида ушбу иллатга қарши кураш бўйича врач сифатида ўзининг таклифларини билдирди.
Учрашувда сўзга чиққанлан гиёҳвандлик оқибатида келиб чиқадиган жиноий ишлар, салбий ҳаракатлар юзасидан ҳам ҳаётий мисоллар орқали гапирди. Ёшлар ўртасида назоратсизлик, қаровсизлик, ҳуқуқбузарликларни олдини олиш, уларни салбий таъсирлардан сақлаш энг хавфли жиноятлардан бири ҳисобланган, инсоният томонидан “Аср вабоси” деб тан олинган гиёҳвандлик иллатига қарши кураш, айниқса, ўсиб келаётган ёш авлодни бу иллат домига тушиб қолишларини олдини олиш олдимизда турган долзарб масалалардан ҳисобланади.
Гиёҳвандликка ружу қўйган кишиларда ватанга муҳаббат, ота-онасига, яқинларига бўлган ҳурматни йўқолиб бориши, бунинг натижасида оиласи, яқинларига моддий ва маънавий зарар келтирувчи салбий ҳаракатларни малга ошириши, ҳатто қотилликгача бориб етиши ҳақида гапирилди.
Учрашувда сўзга чиққан ота-оналар мактаб педагогларини, ота-оналарни ўқувчилар орасида гиёҳванд моддаларни тарқалишини олдини олиш, бунга қарши курашга чақириб, бу жараёнда маҳалла фаоллари иштирокини янада кенгайтириш юзасидан ўз таклифларини айтиб ўтди.
Таъкидлаш жоизки, гиёҳвандлик ва гиёҳвандлик воситалари билан боғлиқ жиноятларининг олдини олиш мақсадида давлатимиз томонидан мустаҳкам ҳуқуқий асослар яратилган.
Хусусан, “Гиёҳвандлик воситалари ва психотроп моддалар тўғрисида”ги Қонунга мувофиқ гиёҳвандлик воситалари ва психотроп моддаларни ноқонуний равишда ташиб кириш, ҳудуддан ўтказиш, сақлаш, сотиш, тарқатиш, тақсимлаш, жўнатиш ҳамда таркибида гиёҳванд моддалари бор ўсимликларни етиштириш каби ҳолатлар учун жиноий жавобгарлик белгиланган.
Бугунги кунда мамлакатимиз бўйлаб, ёшлар ўртасида гиёҳвандлик моддалар истеъмол қилинишига қарши кураш, уларнинг зарарли оқибатларининг олдини олиш борасида кенг қамровли ишлар олиб борилаётгани натижасида гиёҳвандлик билан боғлиқ жиноятлар сони тобора камайиб бормоқда.
Севара ИСМОИЛОВА, ҚДУ талабаси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
