Президент Фармонининг мазмун-моҳияти ёшлар орасида кенг тарғиб қилинмоқда

Ёшлар – бизнинг келажагимиз. Уларни ҳар томонлама қўллаб-қувватлаш, қобилиятларини рўёбга чиқариш, бандлигини таъминлаш, тадбиркорлик ғояларини амалга оширишга ёрдам бериш давлатимиз сиёсатиниг устувор вазифаларидан бири ҳисобланади.

Шу маънода, ёшларга оид давлат сиёсатини тубдан ислоҳ қилиш ва янги босқичга олиб чиқиш мақсадида Ёшлар ишлари агентлиги ташкил этилди. Бугунги кунда агентликнинг Амударё туман бўлими самарали тарзда фаолият олиб бормоқда.

 Ёшларни Ватанга садоқат, миллий ва умуминсоний қадриятларга ҳурмат руҳида тарбиялаш, илм-фан ва инновацияларга кенг жалб этиш борасида эришилаётган ютуқларни “Беш ташаббус олимпиадаси” натижаларидан ҳам билиб олишимиз мумкин.

Туманимиздаги 49 та овул ва маҳалла фуқаролар йиғинига бириктирилган ёшлар етакчилари спорт мусобақалари, кўрик-танловлар, маънавий-маърифий тадбирларни ташкил этишда фаоллик билан иш олиб бормоқдалар.

Хусусан, “Ёшларнинг буш вақти — етакчининг иш вақти” тамойили асосида махалла ёшларнинг буш вақтларини мазмунли ўтказишга қаратилан 1 минг 550 та тадбирлар ўтказилиб, маҳаллалардаги 45 минг нафардан ортиқ ёшлар қамраб олинди.

 “Беш ташаббус олимпиадаси”нинг биринчи мавсумида Ўзбекистон Республикаси босқичида 17 нафар ёшларимиз ғолибликни қўлга киритишгани барчамизга ғурур ва ифтихор бағишлади.

 Шунингдек, “Ёшлар дафтари” га киритилган ёшларни ҳар томонлама қўллаб-қувватлаш борасида Ёшлар ишлари агентлиги туман бўлими томонидан кўплаб самарали ишлар амалга оширилмоқда.

 Йил бошидан “Ёшлар дафтари”га 2 минг 325 нафар ёшлар киритилиб, жорий йилнинг 8 ойи давомида олиб борилган амалий ишлар ва кўрсатилган ёрдам натижасида уларнинг 2 минг 119 нафари “Ёшлар дафтари”дан чиқарилди.

Муҳтарам Президентимиз томонидан ёшларни ҳар томонлама қўллаб-қувватлаш борасида қабул қилаётган Фармон ва қарорлар, таълим соҳасига қаратаётган эътибор натижаси ўлароқ ёшларга кенг имкониятлар эшиклари очилмоқда.

Хусусан, Ўзбекистон Республикаси Президентининг “Қорақалпоғистон Реcпубликасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида”ги Фармони ҳам қорақалпоғистонлик ёшлар учун муҳим ижобий янгилик бўлди.

Фармонда 2022/2023 ўқув йили учун Қорақалпоғистон Республикасида умумий ўрта, ўрта-махсус ва профессионал таълим муассасаларини тамомлаган 500 нафар, кейинги ўқув йиллари учун эса ҳар йили 1 сентябрга қадар 6 500 нафар ёшларнинг вилоятлардаги давлат олий таълим муассасаларига қўшимча қабул параметрлари асосида ўқишга қабул қилиниши белгилаб қўйилди.

Фармонда Қорақалпоғистон Республикасининг иқтисодиёт тармоқларида инновацион жараёнларнинг жадаллашувига эришиш, ресурслардан фойдаланиш самарадорлигини ошириш ва ҳудудни жадал суръатларда ривожлантиришнинг асосий йўналишларидан бири сифатида айнан ёшлар бандлигини таъминлаш масаласи ҳам белгилангани ёшларга, уларнинг бандлигини таъминлаш орқали жамиятнинг фаол аъзолари бўлишларига қаратилаётган эътиборнинг ёрқин намунасидир.

Туман ҳокимлигининг Ахборот хизмати