Амударё тумани бўйича йил бошидан буён 25 мингдан ортиқ шахсга салкам 200 млрд сўм пенсия ва нафақа пуллари тўланди
Мамлакатимизда фуқароларни ижтимоий қўллаб-қувватлаш масаласига доимий эътибор қаратиб келинмоқда. Бу борада Бюджетдан ташқари пенсия жамғармасининг Амударё туман бўлими томонидан ҳам тизимли ишлар амалга оширилмоқда.
Бўлим ходимлари қонун ҳужжатларида белгиланган тартибда фуқароларнинг давлат пенсия таъминотини ташкил этиш, фуқароларга пенсиялар, ижтимоий нафақалар, компенсация тўловлари ва бошқа тўловларни тайинлаш, пенсиялар ва бошқа тўловлар миқдорларининг қайта ҳисоблаб чиқилишини таъминлаш ишларини сифатли тарзда амалга ошириб келмоқдалар. Шунингдек, туман миқёсида пенсиялар ва бошқа тўловларни тўлиқ ҳажмда молиялаштириш ва тўланишини ташкил этиш, улар бўйича ҳисоб ва ҳисоботни юритиш ҳам мазкур бўлим ходимларининг зиммасига юклатилган.
Бугунги кунда бўлимда 21 та штат бирлиги мавжуд бўлиб, шундан, Пенсия, нафақа ва бошқа тўловларни тайинлаш, қайта ҳисоблаш ҳамда тўловларни ташкил қилиш шуъбасида 11 нафар ходим, "Ижтимоий ҳимоя ягона реестри" ахборот тизими орқали давлат ижтимоий хизматлари ва ёрдамини тадим этиш шуъбасида 5 нафар ходим фаолият юритиб келмоқда.
Амударё тумани бўйича 2022 йил 1 сентябрь ҳолатига пенсия ва нафака олувчилар сони 25 минг 332 нафарни ташкил қилади. Жорий йилнинг январ-сентябрь ойларида уларга жами 193,1 млрд. сўмлик пенсия ва нафақалар тўлаб берилди. Мазкур шахсларнинг 18 минг 515 нафари ёшга доир, 2654 нафари ногиронлик, 1141 нафари боқувчисини йўқотганлик пенсиясини олувчи пенсионер, 3022 нафари зарур меҳнат стажига эга бўлмаган ижтимоий нафақа олувчи фуқаролардир.
Шунингдек, бўлим мутахассислари томонидан ойма-ой тўланган пенсия ва ижтимоий нафақаларнинг ўз вақтида ва тўлиқ тўланиши юзасидан доимий мониторинг ишлари олиб борилмоқда.
Бундан ташқари, маҳаллалар масъул ходимлари томонидан кам таъминланган оилаларга боллалар нафақаси ва моддий ёрдамлар тайинлаш бўйича тақдим этилган ҳужжатлар ҳам ўрганилиб, белгиланган тартибда молиялаштирилмоқда. “Ижтимоий ҳимоя ягона реестри" ахборот тизими орқали жорий йил 1 сентябрь ҳолатига жами 22 минг 496 та кам таъминланган оилаларнинг 21 минг 206 тасига болалар нафақаси, 1290 тасига моддий ёрдам пуллари тайинланди ва уларга тўққиз ой давомида жами 83,8 млрд. сўм тўланди.
Ўзбекистон Республикаси Президентининг 2021 йил 4 майдаги “Фуқароларга давлат пенсияларини етказиш тизимини янада такомиллаштириш чора-тадбирлари тўғрисида”ги қарорига мувофиқ Бюджетдан ташқари пенсия жамғармасининг Амударё туман бўлимида ҳам 2022 йилнинг 1 июлидан бошлаб давлат пенсияларини фуқароларнинг фақат паспорт ёки идентификация ID-картаси орқали тайинлаш тартиби йўлга қўйилди. Жорий йилнинг 1 июлидан 1 сентябрига қадар 256 нафар фуқароларга пенсия ва нафақалар мазкур тартиб асосида тайинланди.
Ўзбекистон Республикаси Молия вазирлиги ҳузуридаги Бюджетдан ташқари пенсия жамғармаси Қоралпоғистон Республикаси Амударё туман бўлими ходимлари аҳолини ижтимоий ҳимоя қилиш борасида ўрнатилган тартиб-таомиллар ва қоидаларга қатъий риоя қилган ҳолда самарали фаолият юритиб, аҳолига беминнат хизмат кўрсатмоқдалар.
Фотима Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
