У ЖАМОАМИЗНИНГ ФАХРИ
Дунёда шундай касблар борки, роҳатидан меҳнати, муваффақиятидан заҳмати кўп. Устозу мураббийларнинг фидойи меҳнатини ҳам шунга қиёслаш мумкин. Чиндан ҳам билим олиб, камолот чўққисига етишишимизда ушбу касб соҳибларининг машаққатли меҳнатлари беқиёс. Устоз-мураббийларнинг қалб қўри ила берган сабоқлари туфайли униб-ўсамиз, жамиятда ўз ўрнимизни эгаллаймиз.
Юртимизда ўқитувчиларнинг машаққатли меҳнатлари муносиб қадр топмоқди. Ҳар йили Ўқитувчилар ва мураббийлар кунини умумхалқ байрами сифатида кенг нишонлаймиз. Буни қарангки, ер юзининг камдан-кам давлатларида юртимиздаги каби устозлар касб байрами дам олиш куни сифатида нишонланар экан. Бу ҳам илму маърифат фидоийларининг шарафли касбига бўлган юксак эътибор ва эътироф намунасидир.
Туманимиздаги 2-сон касб-ҳунар мактабининг тажрибали ўқитувчиларидан бири Галия Явқашева ҳам ўз касби туфайли улуғликка эришган аёл. У 32 йилдан бери ёш авлодни Ватанга муҳаббат, истиқлол ғояларига садоқат ва миллий қадриятларимизга ҳурмат руҳида тарбиялаб келмоқда.
Иш фаолиятини 1990 йилда 30-сонли умумтаълим мактабида бошлаган. Кейинчалик 1-сонли кечки мактаб ўқитувчиси, 8-сонли ихтисослаштирилган мактаби ўқитувчиси, 3-сон Aкадемик лицей ўқитувчиси, “Грант Сервис” тайёрлов ўқув марказида рус тили ўқитувчиси бўлиб ишлаган. 2020 йилдан ҳозирги кунгача Aмударё туман 2-сонли касб-ҳунар мактабида рус тили фани ўқитувчиси бўлиб ишлаб, оилада яхши уй бекаси, болаларига меҳрибон она, мактабда фидоий ўқитувчи сифатида танилиб келмоқда.
Ҳар йили кўплаб ўқувчилари олий ўқув юртларига кириб, талаба бўлиб устозига раҳматлар олиб келмоқда.
Муҳтарам Президентимиз фармони билан педагог кадрларни моддий рағбатлантириш бўйича бир қатор дастурлар илгари сурилди. Унга кўра, эндиликда чет тилидан миллий сертификатга эга ўқитувчиларнинг маошига 50 фоиз қўшимча устама тўлаб бериладиган бўлди. Унга кўра, 2022 йил 1 сентябрдан мактабларда умумтаълим фанлари бўйича тегишли даражадаги сертификатга эга педагог кадрлар ойлик маошига қўшимча устама тўланмоқда.
Устоз Галия Явкашева жорий йилнинг 15 август куни Тошкент шаҳридаги Россия давлатиниг Рудн университети филиалида тест топшириб, халқаро тан олинган сертификатга эга бўлди.
Ўз устида ишлаб, маҳоратини ошираётган ва билимларини ўқувчиларга чуқур ўргатишга интилаётган Галия Явқашева мактабимиз ўқитувчиларининг ҳам фахридир.
Жасур Отажонов, шу мактаб директори ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
