Йил якунида бир гуруҳ фидоийларнинг меҳнатлари эътироф этилди
29 декабрь куни Амударё туман ҳокимлигининг мажлислар залида юртимиз равнақи ва халқимиз фаровонлиги йўлидаги кўп йиллик самарали фаолияти, фидоийлиги ва меҳнатсеварлиги, жамоат ишларидаги фаоллиги ҳамда олиб бораётган эзгу ишлари, юртимизда амалга оширилаётган улкан бунёдкорлик жараёнидаги ташаббускорлиги учун бир гуруҳ юртдошларимизни тақдирлаш маросими бўлиб ўтди. Унда туман ҳокими Султонбой Йўлдашев, секторлар раҳбарлари, ҳоким ўринбосарлари ҳамда кенг жамоатчилик вакиллари иштирок этишди.
Тадбирда туман ҳокими Султонбой Йўлдашев 2022 йилда туманда амалга оширилган бунёдкорлик ишлари, эришилган муваффақиятлар, аҳолининг ижтимоий-иқтисодий ҳаётида рўй берган муҳим ўзгаришларга тўхталиб ўтди.
Тадбирда дастлаб Халқ депутатлари Амударё туман Кенгашининг фаол ва ташаббускор депутатлари тақдирланди. “Энг адолатли депутат” номинациясига Баҳром Қодиров, “Халқпарвар депутат” номинациясига Тамара Юсупова, “Меҳнаткаш депутат” номинациясига Гулшод Юсупова, “Фахрий депутат” номинациясига эса Рўзимбой Нуримбетов муносиб деб топилди.
Шунингдек, тадбирда тумандаги турли муассаса ва ташкилотларда кўп йиллардан буён ўз касбига виждонан ёндошиб, садоқат билан фаолият юритиб келаётган бир гуруҳ фидойилар туман ҳокимлигининг ташаккурномаси ва қимматбаҳо совғалари билан тақдирланди.
“Баркамол авлод” болалар мактаби директори Хонимжон Ражабова барчани янги йил билан табриклаб соҳа фидойларига меҳнат фаолиятларида улкан зафарлар тилади.
Тадбирда турли соҳа вакиллари − ўқитувчилар, шифокорлар, ҳуқуқни муҳофаза қилиш органлари, оммавий ахборот воситалари, иқтисодий ва ижтимоий соҳада фаолият юритувчи ташкилотларнинг ишчилари ҳамда коммунал соҳа корхоналарининг хизматчилари, фаол ёшлар ва аёл-қизларнинг 24 нафарига туман ҳокимлигининг эсдалик совғалари тантанали тарзда топширилди.
Ундан ташқари, туман ҳокими янги йил муносабати билан ижтимоий ҳимояга муҳтож оилаларнинг бир гуруҳ болаларига қишки кийим-кечаклар тўпламини топширди.
Туман ҳокими Султонбой Йўлдошев ҳар бир болажонга мактабни аъло баҳоларга тугатиб, эл юрт корига ярайдиган муносиб фарзанд бўлиши лозимлигини айтиб, байрам билан самимий қутлади.
Тадбир якунида туман ҳокими 2023 йилда ҳам туманда катта бунёдкорлик ишлари амалга оширилишини, таълим тизимида катта ижобий ўзгаришлар бўлишини айтиб, ислоҳотларни фақатгина бир тану бир жон бўлиб, халқимиз билан биргаликда амалга ошириш мумкинлигини таъкидлаб ўтди ҳамда барчани янги 2023 йил билан самимий қутлади.
Шу куни туман ҳокимининг биринчи ўринбосари Рашид Салаев, Халқ депутатлари туман Кенгаши котибияти мудири Мансур Ўразбоевлар кўп йиллар давомида давлат бошқарув органларида самарали тарзда фаолият юритган меҳнат фахрийси Баҳром Жуманиязовнинг хонадонига ташриф буюришди ҳамда меҳнат фахрийсини янги йил билан табриклаб, туман ҳокимлигининг қимматбаҳо совғаларини топширди.
Янги йил арафасида тумандаги меҳнат фидойилари, болалар, ижтимоий ҳимояга муҳтож фуқаролар, ёши улуғ нуронийларнинг ҳеч бири эътибордан четда қолмади. Уларнинг ҳолидан хабар олиниб, байрам совғалари топширилди.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
