ҲАРБИЙ ХИЗМАТЧИЛАР ОИЛА АЪЗОЛАРИ УЧУН ТИББИЙ КЎРИК ТАШКИЛ ЭТИЛДИ
Бойовул маҳалласида жойлашган ҳарбий қисм хизматчилари оила аъзолари иштирокида “Репродуктив саломатлик ва соғлом турмуш тарзи” мавзусида давра суҳбати ўтказилди.
Давра суҳбатида туман Тиббиёт бирлашмаси шифокорлари Т.Саидова, Д.Аллабергеновалар иштирок этишди. Шифокорлар соғлом турмуш тарзи, рационал овқатланиш, юқумли касалликларга қарши эҳтиётдан эмлашнинг аҳамияти, грипп, ковид-19, юқори нафас йўллари касалликларининг олдини олиш кабилар тўғрисида тиббий тавсиялар, маълумотлар бердилар. Аёлларга ўзларида, уларнинг фарзандларида шамоллаш ёки бошқа касалликлар аломатлари пайдо бўлганида дарҳол шифокорга мурожаат қилиши лозимлиги, тавсия қилинмаган дориларни ўзбошимчалик билан қабул қилмаслик кераклиги, айниқса, "Курамах" компанияси томонидан ишлаб чиқарилган дориларнинг ишлатилиши таъқиқланганлигини тушунтиришди.
Шундан сўнг, шифокорлар болаларни тиббий кўрикдан ўтказиб, ота-оналарга керакли тавсиялар беришди. Шунингдек, оилалар аптечкасидаги дорилар текширувдан ўтказилиб, ишлатиш муддати тугаган дориларни олиб ташлаш тавсия қилинди.
Ж.Явқашев, ТТБ АСТТҚҚ ва ЖФО бўлими шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
