ТИББИЁТ ХОДИМЛАРИ УЧУН ЮҚУМЛИ ВА ПАРАЗИТАР КАСАЛЛИКЛАРНИНГ ОЛДИНИ ОЛИШГА ДОИР СЕМИНАР ТАШКИЛ ЭТИЛДИ
Шу кунларда Амударё тумани Санитария эпидемиологик осойишталик ва жамоат саломатлиги бўлими томонидан юқумли ва паразитар касалликлар профилактикаси бўйича Тиббиёт бирлашмаси ҳамда овул ва маҳаллалардаги шифо масканлари ходимлари ўртасида тарғибот-ташвиқот ишлари олиб борилмоқда. Шунга кўра Амударё тумани Тиббиёт бирлашмаси тиббиёт ходимлари ўртасида ҳам семинар ташкил этилди.
Семинарда туман Санитария эпидемиологик осойишталик ва жамоат саломатлиги бўлими ходимлари Тўлибой Атамурадов, Гулшод Тажибоева, Жамол Камолов ва Азамат Аллаёровлар иштирок этишди. Соҳа мутахассислари семинар давомида юқумли ва паразитар касалликларнинг келиб чиқиши, юқиш йўллари ва ундан ҳимояланиш, профилактик чора-тадбирлар хусусида сўз юритдилар. Шунингдек, тиббиёт ходимларига аҳоли ўртасида тарғибот-ташвиқот ишларини олиб бориш ва касаллик тўғрисида батафсил тушунчалар бериш кераклигини, даволаш масканларида ҳам юқумли касалликлар тарқалишининг олдини чоралари кўрилиши, санитария-гигиена қоидаларига қатъий амал қилиниши лозимлиги айтиб ўтилди.
Таъкидланганидек, паразитар касалликлар – бу паразит чувалчанглар томонидан келиб чиқадиган юқумли касалликлар ҳисобланади. Паразитлар жуда хавфли ва юқумли бўлган безгак ва лейшманиоз касалликларини ҳам келтириб чиқаради. Ушбу касалликлар профилактикасида шахсий гигиена қоидаларига риоя қилиш катта аҳамиятга эга. Безгак – вақти-вақти билан тутадиган иситма хуружлари, камқонлик, жигар ва талоқ катталашуви билан кечувчи ўткир юқумли касаллик ҳисобланади. Безгак касаллиги қўзғатувчиси бемор ҳамда паразит одамга юқади.
Семинар давомида безгак касаллиги тарқалишининг олдини олиш, касаллик тарқатувчи чивинларларга қарши курашиш, аҳолини безгак касаллигидан жамоавий ва индувидуал химоя қилиш ҳамда кимёвий профилактика тадбирларини олиб бориш чоралари тўғрисида батафсил маълумотлар берилди. Безгак чивинлариларига қарши курашишда барча ҳовузларнинг рўйхати тизимга олиниши кераклиги, харитага киритилиши ва ушбу ҳовузларда безгак чивинларига дезинсекция тадбирлари олиб борилиши лозимлиги, натижада чивинларни личинкалик давридаёқ йўқ қилишга эришилиши, личинка билан озиқланадиган балиқларни кўпайтириш ҳам личинкаларни йўқотиш усулларидан бири ҳисобланиши айтиб ўтилди.
Мутахассислар хонадонларга ҳам қолдиқ таъсирига эга инсектицидлар билан ишлов берилиши лозимлиги, ишлов берилган юза қисмлар бир неча ҳафта ва ойлар давомида чивинларга заҳарли таъсирини сақлаб қолишини айтиб, аҳолини безгак касаллигидан жамоавий ва индувидуал ҳимоя қилиш безгак профилактикасининг биринчи усулларидан бири эканлигини, бунда чивинларнинг яшаш хоналарига учиб киришининг олди олинишини тушунтиришди. Шунингдек, тиббиёт ходимлари аҳолига ўз хонадонларида дераза ойналарига дока тўр ва сетка тутиб қўйишни, пашшахоналардан фойдаланишни тавсия қилиб, ушбу касаллик бўйича билим савиясини ошириш мақсадга мувофиқ бўлишни ҳам айтиб ўтишди. Шундан сўнг, кимёвий профилактика усуллари, тиббиёт ходими ва эндемик ўчоққа кетаётган Ўзбекистон фуқаросига касалликдан ҳимояланиш чоралари тўғрисида ҳам маълумотлар беришди.
Семинарда лейшманиоз касаллиги ва унинг тарқалиш, юқиш йўллари, профилактикаси тўғрисида ҳам батафсил тушунчалар берилди. Аҳоли пунктлари ҳамда хонадонларда ободонлаштириш ишларини олиб бориш кераклигини, уйларда деворларнинг пастки қисмларини бетон қопламалар билан қоплаш, кўчаларни асфальтлаштириш, ҳовлиларни пишиқ ғишт билан қоплаш орқали касаллик тарқатувчи ҳашаротлардан бири бўлган искабтопарлар кўпайишининг олди олинишини айтиб ўтишди.
Семинар якунида тиббиёт ходимлари мутахассисларга ўзларини қизиқтирган саволлар билан мурожаат қилиб, керакли жавобларни олишди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
