TIBBIYoT XODIMLARI UChUN YuQUMLI VA PARAZITAR KASALLIKLARNING OLDINI OLIShGA DOIR SEMINAR TAShKIL ETILDI
Shu kunlarda Amudaryo tumani Sanitariya epidemiologik osoyishtalik va jamoat salomatligi boʻlimi tomonidan yuqumli va parazitar kasalliklar profilaktikasi boʻyicha Tibbiyot birlashmasi hamda ovul va mahallalardagi shifo maskanlari xodimlari oʻrtasida targʻibot-tashviqot ishlari olib borilmoqda. Shunga koʻra Amudaryo tumani Tibbiyot birlashmasi tibbiyot xodimlari oʻrtasida ham seminar tashkil etildi.
Seminarda tuman Sanitariya epidemiologik osoyishtalik va jamoat salomatligi boʻlimi xodimlari Toʻliboy Atamuradov, Gulshod Tajiboyeva, Jamol Kamolov va Azamat Allayorovlar ishtirok etishdi. Soha mutaxassislari seminar davomida yuqumli va parazitar kasalliklarning kelib chiqishi, yuqish yoʻllari va undan himoyalanish, profilaktik chora-tadbirlar xususida soʻz yuritdilar. Shuningdek, tibbiyot xodimlariga aholi oʻrtasida targʻibot-tashviqot ishlarini olib borish va kasallik toʻgʻrisida batafsil tushunchalar berish kerakligini, davolash maskanlarida ham yuqumli kasalliklar tarqalishining oldini choralari koʻrilishi, sanitariya-gigiyena qoidalariga qatʼiy amal qilinishi lozimligi aytib oʻtildi.
Taʼkidlanganidek, parazitar kasalliklar – bu parazit chuvalchanglar tomonidan kelib chiqadigan yuqumli kasalliklar hisoblanadi. Parazitlar juda xavfli va yuqumli boʻlgan bezgak va leyshmanioz kasalliklarini ham keltirib chiqaradi. Ushbu kasalliklar profilaktikasida shaxsiy gigiyena qoidalariga rioya qilish katta ahamiyatga ega. Bezgak – vaqti-vaqti bilan tutadigan isitma xurujlari, kamqonlik, jigar va taloq kattalashuvi bilan kechuvchi oʻtkir yuqumli kasallik hisoblanadi. Bezgak kasalligi qoʻzgʻatuvchisi bemor hamda parazit odamga yuqadi.
Seminar davomida bezgak kasalligi tarqalishining oldini olish, kasallik tarqatuvchi chivinlarlarga qarshi kurashish, aholini bezgak kasalligidan jamoaviy va induvidual ximoya qilish hamda kimyoviy profilaktika tadbirlarini olib borish choralari toʻgʻrisida batafsil maʼlumotlar berildi. Bezgak chivinlarilariga qarshi kurashishda barcha hovuzlarning roʻyxati tizimga olinishi kerakligi, xaritaga kiritilishi va ushbu hovuzlarda bezgak chivinlariga dezinsektsiya tadbirlari olib borilishi lozimligi, natijada chivinlarni lichinkalik davridayoq yoʻq qilishga erishilishi, lichinka bilan oziqlanadigan baliqlarni koʻpaytirish ham lichinkalarni yoʻqotish usullaridan biri hisoblanishi aytib oʻtildi.
Mutaxassislar xonadonlarga ham qoldiq taʼsiriga ega insektitsidlar bilan ishlov berilishi lozimligi, ishlov berilgan yuza qismlar bir necha hafta va oylar davomida chivinlarga zaharli taʼsirini saqlab qolishini aytib, aholini bezgak kasalligidan jamoaviy va induvidual himoya qilish bezgak profilaktikasining birinchi usullaridan biri ekanligini, bunda chivinlarning yashash xonalariga uchib kirishining oldi olinishini tushuntirishdi. Shuningdek, tibbiyot xodimlari aholiga oʻz xonadonlarida deraza oynalariga doka toʻr va setka tutib qoʻyishni, pashshaxonalardan foydalanishni tavsiya qilib, ushbu kasallik boʻyicha bilim saviyasini oshirish maqsadga muvofiq boʻlishni ham aytib oʻtishdi. Shundan soʻng, kimyoviy profilaktika usullari, tibbiyot xodimi va endemik oʻchoqqa ketayotgan Oʻzbekiston fuqarosiga kasallikdan himoyalanish choralari toʻgʻrisida ham maʼlumotlar berishdi.
Seminarda leyshmanioz kasalligi va uning tarqalish, yuqish yoʻllari, profilaktikasi toʻgʻrisida ham batafsil tushunchalar berildi. Aholi punktlari hamda xonadonlarda obodonlashtirish ishlarini olib borish kerakligini, uylarda devorlarning pastki qismlarini beton qoplamalar bilan qoplash, koʻchalarni asfaltlashtirish, hovlilarni pishiq gʻisht bilan qoplash orqali kasallik tarqatuvchi hasharotlardan biri boʻlgan iskabtoparlar koʻpayishining oldi olinishini aytib oʻtishdi.
Seminar yakunida tibbiyot xodimlari mutaxassislarga oʻzlarini qiziqtirgan savollar bilan murojaat qilib, kerakli javoblarni olishdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
