“Беш ташаббус – беш имконият!” лойиҳаси доирасида 85-сонли мактабда очиқ дарс ўтказилди
Амударё туманида фаолият юритаётган “Жайхун илҳомлари” нодавлат нотижорат ташкилоти томонидан “Беш ташаббус – беш имконият!” номли лойиҳа асосида ёшлар маънавиятини юксалтириш, уларнинг иқтидорларини юзага чиқариш, ёшларни турли зарарли иллатлардан ишончли ҳимоя қилиш, уларнинг сифатли таълим олишига эришиш борасида турли тадбирлар, адабий кечалар, учрашувлар ўтказилиб келинмоқда.
Шунингдек, ёшларнинг адабиёт ва санъатнинг барча турларига қизиқишларини оширишга, спорт соҳасидаги қобилиятларини намоён қилишларига, ўзини ўзи банд қилган ҳолда тадбиркорлик билан шуғулланиб, даромад топаётган ёш аёл-қизларнинг иш тажрибаларини оммалаштиришга катта эътибор қаратилмоқда. Айниқса ёшлар ўртасида китобхонликни кенг тарғиб қилиш бўйича танловлар, давра суҳбатлари ўтказилиб борилиши натижасида барча ёшдаги фуқаролар қалбида китобга бўлган қизиқиш ортиб бормоқда.
Барчага маълумки, Президентимиз таклиф қилган учинчи ташаббус доирасида ёшлар ўртасида компьютер технологиялари ва интернетдан самарали фойдаланишга қаратилган тадбирларни ташкил қилиш белгиланган. Айнан шу мақсадда туманнинг Хитой ҳудудида яшовчи манзилли қўллаб-қувватлаш дафтарларига киритилган ёшлар учун 85-сонли мактабда “Компьютер технологиялари ва интернетдан самарали фойдаланиш” мавзусида очиқ дарс ўтказилди.
Мазкур мактабда тажрибали устозлар – математика ва информатика фани ўқитувчиларидан Гавҳар Сапарбоева ҳамда Оғабек Йўлдошевлар кўп йиллардан буён ўқувчиларга компьютер технологиялари ва интернетдан самарали фойдаланиш борасида ўзларининг билим ва тажрибаларини ўргатиб келмоқдалар. Устозларидан олган сабоқлари эса ёшларнинг келгуси ҳаётларида қаерда ва қайси касбда ишламасин дастурулмал бўлиб хизмат этиб келмоқда.
Очиқ дарс очилишида “Жайхун илҳомлари” нодавлат нотижорат ташкилоти раиси Ўрозали Рейимов чиқиб гапириб ташкилот томонидан олиб борилаётган ишлар, бутун мамлакатимизда бўлгани каби туманимизда ҳам мактаб ўқувчилари замонавий мактаб биноларида энг илғор ўқув қуролларидан фойдаланган ҳолда билим олаётганлигини фахр билан айтиб ўтди.
Математика ва информатика фани ўқитувчиси Гавҳар Сапарбоева ўқувчиларга компьютерлардан самарали фойдаланишнинг илғор дастурлари ҳамда очиқ дарс ўтказилишидан асосий мақсад ёшларнинг компьютер ва интернетдан самарали фойдаланиш борасидаги билимларини яна бир бор синовдан ўтказиш эканлигини билдирди.
Очиқ дарс “функциялар ва ўзгарувчилар мавзусига оид амалий машғулот” деб аталди. Ўқувчилар олдига функциядан фойдаланган ҳолда берилган иккита соннинг энг катта умумий бўлувчисини топиш дастурини тузиш вазифаси қўйилди.
Ўтказилган очиқ дарс мактаб ўқувчиларнинг компьютер технологиялари ва интернетдан самарали фойдаланиш борасидаги билим ва кўникмалари жуда юқори эканлигини кўрсатди.
Ў.Реимов, "Жайхун илҳомлари" ННТ раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
