ЁНҒИНГА ҚАРШИ СУВ ОЛГИЧ (ГИДРАНТ)ЛАРНИНГ ДОИМИЙ ШАЙ ҲОЛАТДА БЎЛИШИ КЎНГИЛСИЗЛИКЛАРНИНГ ОЛДИНИ ОЛАДИ
Ёнғинга қарши сув олгич (гидрант)лар ёнғин содир бўлганда ёнғин ўчириш автомашиналарини сув билан таъминлаш ва ёнғинларни тезда бартараф этишда муҳим ўрин тутади.
Амударё тумани ҳудудида жами 275 та ёнғинга қарши сув олгич (гидрант)лари мавжуд бўлиб, туман Фавқулодда вазиятлар бўлимининг йиллик режасига асосан тумандаги барча ёнғинга қарши сув олгич (гидрант)ларини йилига камида икки марта назоратдан ўтказиб, техник ҳолатини ўрганиш белгиланган. Мазкур ёнғинга қарши сув олгич (гидрант)ларнинг техник ҳолатини амалда ўрганиш бўйича Амударё тумани Фавқулодда вазиятлар бўлими 3-сонли ва 4-сонли Касбийлаштирилган ёнғин-қутқарув қисмлари ва Сув тармоқлари корхонаси билан ҳамкорликда йўл харитаси ишлаб чиқилган. Ушбу йўл ҳаритага асосан ёнғинга қарши сув олгич (гидрант)ларнинг техник ҳолати Амударё тумани Фавқулодда вазиятлар бўлимининг 3-сонли ва 4-сонли Касбийлаштирилган ёнғин-қутқарув қисмлари шахсий таркиби ва Сув тармоқлари корхонаси ходимлари иштирокида доимий равишда амалда ўрганиб борилмоқда.
Яқинда ўрганишлар жараёнида туманимизнинг Гулзор МФЙ ҳудудида жойлашган 16 дона ёнғинга қарши сув олгич (гидрант)ларининг техник ҳолати талаблар даражасида эмаслиги аниқланди ва мавжуд носозликлар туман Фавқулодда вазиятлар бўлими ходимлари ва Сув тармоқлари корхонаси ходимлари томонидан жойида бартараф қилиниб, узлуксиз сув билан таъминланиши йўлга қўйилди.
Навбатдаги ўрганиш жараёни туманимизнинг “Амударё газ сервис” ҳамда “Амударё метан савдо” МЧЖлар ҳудудида жойлашган ёнғинга қарши сув олгич (гидрант)ларининг техник ҳолати билан танишиш мақсадида амалга оширилди. Мазкур корхоналар ҳудудларидаги ёнғинга қарши сув олгич (гидрант)ларининг штоклари қотиб қолганлиги аниқланиб, Сув тармоқлари корхонаси ходими Фарҳод Ҳайтимбетов томонидан аниқланган камчиликлар жойида бартараф қилинди.
Фавқулодда вазиятларда ва ёнғин содир бўлганда юз берган офатни тезлик билан бартараф этишда сув олгич (гидрант)ларининг доимий шай ҳолатда бўлишини таъминлаш мақсадида идора ва ташкилотлар, корхоналар масъуллари ҳам ушбу иншоотлар атрофида ортиқча қурилишлар ёки тўсиқлар бўлмаслигига эътибор қаратишлари зарур. Шу боис, туман ҳудудида жойлашган идора, корхона ва ташкилотлар раҳбарларига ҳамда аҳолига шуни айтмоқчи эдикки, объект ҳудудида ёки кўча бўйларида жойлашган ёнғинга қарши сув олгич (гидрант)ларнинг атрофларида доимий равишда ободонлаштириш ишлари олиб борилиши, ёнғин ўчириш автомобиллари эркин ҳаракатланиши учун тўсиқлар кўйилмаслигини, гидрантлар ўрнатилган жойни кўмиб ташламасликларини, кўрсаткич белгиларига зарар етказмасликларини илтимос қиламиз.
Равшан Баҳрамов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
