НУКУС ШАҲРИДАГИ ИХТИСОСЛАШТИРИЛГАН САНЪАТ МАКТАБ-ИНТЕРНАТИНИНГ КЎРГАЗМАЛИ ТАДБИРИ ЎТКАЗИЛДИ
Амударё туманидаги “Баркамол авлод” болалар мактабида Қорақалпоғистон Республикаси ихтисослаштирилган санъат мактаб-интернати томонидан ўқувчиларни ўқишга жалб этишга қаратилган кўргазмали тадбир ўтказилди.
12 май куни бўлиб ўтган ушбу тадбирда мазкур мактаб-интернат ўқитувчилари Байрам Нуримбетов, Баҳодир Туркменбоевлар, тумандаги “Баркамол авлод” болалар мактаби директори Хонимжон Ражабовалар иштирок этишди. Шунингдек, тумандаги умутаълим мактабларининг маънавий-маърифий масалалар бўйича ўринбосарлари, ўқитувчилар ва ўқувчилар ҳам ташриф буюришди.
Тадбир давомида мактаб-интернат ўқитувчилари ўқув масканида келаси ўқув йилида ташкил этиладиган йўналишлар тўғрисида маълумотлар беришди. Таълим даргоҳида кўп асрлик тарихга эга халқимизнинг миллий қадриятлари, санъатини давом эттириш ва янгилаш, шунингдек, иқтидорларини юзага чиқаришларига имконият ва шароитлар яратилганини айтиб ўтишди.
Таъкидланганидек, мазкур мактаб-интернатда таълим олиб келаётган ўқувчи-ёшлар Республика ва халқаро миқёсда ўтказилиб келинаётган турли танловларда фаол қатнашиб келмоқда ва ўз иқтидорларини намойиш этиб, фахрли ўринларни қўлга киритиб келишмоқда.
Ўтган йили иқтидорли ёшлар кўрик-танловида мактаб-интернат ўқувчиси Райҳон Наврўзбоева ғолиб бўлди ва олий ўқув юртига кириш имтиёзини берувчи сертификатга эга бўлди. Икки нафар ўқувчи эса чет тили фанидан В2 даражали сертификатни олишга муяссар бўлишди.
Жорий йилда ўтказилган анъанавий халқаро рассомлик ва санъат фестивалида мактаб-интернат ўқувчилари 1-, 2-, 3-ўринларни эгаллаб, олтин, кумуш, бронза медаллар ва 100 нафардан зиёд ўқувчи диплом ҳамда сертификатларга эга бўлишди.
Мактаб-интернатда олис ҳудудлар ва туманлардан келадиган болалар учун ётоқхона, 4 маҳал овқат берилишини, шунингдек ўқув хоналарида ҳам замонавий ахборот-технологияларида машғулотлар ўтиш учун шароитлар яратилгани тўғрисида маълумотлар берилди. Мактаб-интернатда рангтасвир, либослар дизайнери, интерер дизайнери, кулолчилик, гилам тўқувчиси, каштачилик, ёғоч ўймакорлиги устаси каби йўналишларда ўқув машғулотлари ташкил этилгани ва мактабни тугатган 11-синф ўқувчиларига тугатган йўналишлари бўйича давлат намунасидаги ўрта-махсус маълумотли мутахассислик дипломи берилишини ҳам айтиб ўтилди.
Тадбирда мактаб-интернат ўқитувчилари Байрам Нуримбетов, Баҳодир Туркменбоевлар тасвирий санъат бўйича маҳорат дарсини ўтишди. Машғулот давомида янги педагогик технологиялардан фойдаланиш самараси, дарс самарадорлигини ошириш кабилар тўғрисида маълумотлар берилди.
Шундан сўнг, ўқувчилар ўртасида расмлар танлови ўтказилди. Танловда “Баркамол авлод” болалар мактаби ва умумтаълим мактаблари ўқувчилари фаол иштирок этиб, ўз иқтидорларини, ранглардан моҳирона фойдалана билишларини, устозларидан ўрганган маҳоратларини кўрсатишди.
Танлов якунида “Баркамол авлод” болалар мактабининг 1-сонли умумтаълим мактабида ташкил этилган “Тасвирий санъат” тўгараги ўқувчиси Мафтуна Нуримбетова 1-ўринни қўлга киритди ва Қорақалпоғистон Республикаси ихтисослаштирилган санъат мактаб-интернатига имтиҳонсиз қабул қилиниш имкониятига эга бўлди. Танловнинг барча ғолибларига ташкилотчилар томонидан фахрий ёрлиқ ва совғалар топширилди.
Тадбир якунида мактаб-интернат ўқитувчилари тумандаги мактаблар ўқитувчи ва ўқувчиларини ўқув даргоҳида яратилган шароитлар ва имкониятлар билан янада яқинроқ танишиш учун шу ойда бўлиб ўтадиган “Очиқ эшиклар куни” тадбирига таклиф этишди.
О.Худойберганова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
