“МАКТАБ ИЖОДКОРЛАРИ” ДЕВОРИЙ ГАЗЕТАСИ ТАШКИЛ ЭТИЛДИ
Ўтган ўқув йилида 56-сонли мактабнинг 9- ва 10-синфлари ўқувчилари орасидан 17 нафар истеъдодли ўқувчи саралаб олиниб, “Ёш журналистлар” тўгараги ташкил этилган эди.
Ушбу тўгарак аъзолари ўтган давр мобайнида журналистика тўғрисида ва бу касб эгалари томонидан матбуот ва оммавий ахборот воситалари орқали амалга ошириладиган ишлар ҳақидаги тушунчаларга эга бўлдилар.
Яқинда мактабда бу тўгарак аъзоларини публицистика жанрлари бўйича ижод қилишга ўргатиш ва мактаб ўқувчилари томонидан амалга оширилаётган турли ижодий ишлар ҳақидаги маълумотларни ўқувчилар оммасига етказиб бориш мақсадида “Мактаб ижодкорлари” деб номланган деворий газета ташкил этилди.
“Китобхонлик бизни ижод сари етаклайди” сарлавҳали бош мақола билан бошланган ушбу деворий газетада тўгарак аъзоларидан Мадина Муҳаммадсолиеванинг “Таниқли ижодкор билан учрашув”, Дурдона Собированинг “Китобхонлик маданияти” мавзусида давра суҳбати ўтказилди” ва Камронбек Бозорбоевнинг “Мусиқа мактабига саёҳат” сарлавҳали мақолалари эълон қилинди.
Шунингдек, ушбу деворий газетада “Моҳир қўллар”, “Ёш рассомлар” ва “Ёш журналистлар” тўгараклари фаолияти ҳақида ҳам маълумотлар берилган.
Умид қиламизки, “Мактаб ижодкорлари” деворий газетаси мактабимизда ижодкор ўқувчиларимиз сафининг янада кенгайишига катта ҳисса қўшади.
Алламберган ЖУМАНИЁЗОВ, мактабнинг ижодий-маданий масалалар бўйича тарғиботчиси, фахрий журналист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
