“БУЮК ИМКОНИЯТ – ЁРҚИН КЕЛАЖАК” ТАРМОҚЛИ МАРКЕТИНГ ТИЗИМИ ФАОЛИЯТИГА БАҒИШЛАНГАН СЕМИНАР-ТРЕНИНГ ТАШКИЛ ЭТИЛДИ
“Буюк имконият – ёрқин келажак” тармоқли маркетинг савдо тизимида фаолият юритиш бўйича семинар-тренинг ва тизимда юқори натижаларга эришган лидерларни тақдирлаш маросими бўлиб ўтди.
Шу йил 20 май куни туман Маданият ва туризм бўлимининг концертлар залида бўлиб ўтган мазкур тадбирни “Буюк имкон – ёрқин келажак” лойиҳасининг олтин жамоаси сардорлари Минавар Собирова ҳамда Гавҳар Матёқубовалар ташкил қилдилар. Тадбирга келган меҳмонлар, маркетинг тармоғи лидерлари “Офарин” фольклор-этнографик халқ жамоасининг карнай-сурнай наволари остида тантанали равишда кутиб олинди.
Аҳоли, айниқса, ёшларнинг китобхонлик ва молиявий саводхонлик маданиятини ошириш, уларни қўллаб-қувватлаш мақсадида фаолият олиб бораётган “Буюк имконият – ёрқин келажак” тармоқли маркетинг савдо тизими ҳамкорларининг ушбу тадбирида маркетинг асосчилари Рустам Мирзаматов ва Алижон Исроиловлар ҳам иштирок этишди.
Сўзга чиққанлар ушбу савдо тизими 2022 йилдан ўз фаолиятини бошлагани, лойиҳа асосчилари Алижон Исроилов ва Рустам Мирзаматовлар онлайн усулда ўзини ўзи банд қилиш, даромад топиш, шу билан бирга китобхонликни ривожлантириш компаниясини ташкил қилишгани ва қисқа давр мобайнида самарали натижаларга эришилаётгани хусусида маълумот бериб ўтдилар. Шунингдек, лойиҳага кўра жамоавий тарзда китоб савдосини маркетинг усулида йўлга қўйиш орқали ўзини ўзи банд қилиш, даромад топиш ва ютуқларга эришиш мумкинлиги тушунтирилди. Ушбу лойиҳадаги маркетинг савдосидаги фаолият давридаги имтиёзлар, ишлаш тартиби ҳақида маълумотлар берилди. Лойиҳа бўйича маркетинг тизимида фаолият юритиб келаётганлар сафида пенсионерлар, имконияти чекланганлар ҳамда турли ташкилотларда хизмат қилиб келаётганлар борлиги, ҳамжиҳатликда иш олиб боришаётгани ҳақида айтиб ўтишди.
Таъкидланганидек, “Буюк имкон – ёрқин келажак” лойиҳасининг асосий мақсади Вазирлар Маҳкамасининг 2003 йил 13 февралдаги қарори билан тасдиқланган «Ўзбекистон Республикасида чакана савдо қоидаларига киритилаётган қўшимчалар»га асосланган тармоқли маркетинг йўналишида бизнес, шу йўналишда оммавий онлайн тақдимотлар, бизнес-тренинглар ўтказишдан иборат. Шунингдек, Вазирлар Маҳкамасининг 2020 йил 14 декабрдаги қарорида кўрсатилганидек, 2020-2025 йилларда китобхонлик маданиятини ривожлантириш ва қўллаб қувватлаш Миллий Дастури асосида ёшларнинг, аҳолининг китобхонлик ва молиявий саводхонлик маданиятини ошириш, ўқув-семинарлар ташкил қилиш, инвестиция йўналишидаги видео қўлланма ва ўқув дарсликлари билан таъминлаш кабиларга ҳам эътибор қаратилади. Ундан ташқари, фуқароларни ушбу лойиҳада бирга ишлашга таклиф этиш орқали камбағалликни қисқартириш, ишсизликни бартараф қилиш ва тобора авж олиб бораётган боқимандалик кайфиятини йўқотишга кўмаклашиш ҳам кўзланган мақсадлардан бири ҳисобланади.
Тадбир давомида шу каби маълумотлар берилганидан сўнг, “Буюк имконият – ёрқин келажак” савдо тизими фаолияти тасвирланган видеоролик намойиш қилинди. Шунингдек, тадбир иштирокчилари ва қизиқувчиларнинг саволларига батафсил жавоблар бериб ўтилди.
“Буюк имконият – ёрқин келажак” лойиҳасида, маркетинг савдо тизимида юксак натижаларга эришган фаол лидерларни тақдирлаш маросими ҳам бўлиб ўтди. Маркетинг тармоғини ривожлантиришга ўз ҳиссаларини қўшган ва белгиланган босқичлардан ўтиб, юқори натижаларга эришган лидерлар саҳнага таклиф этилди ва уларга сертификатлар топширилди.
Тадбирда туман Маданият ва туризм бўлимининг санъаткорлари, халқ жамоалари, таниқли эстрада хонандалари, рақс дасталари иштирокида тайёрлаган концерт дастури намойиш этилди. Қизиқарли ўтган тадбир барчага манзур бўлди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
