65-СОНЛИ МАКТАБДА “СЎНГГИ ҚЎНҒИРОҚ” ТАДБИРИ ЎТКАЗИЛДИ
Юртимизда "Илмни қадрланг, илмга интилинг" шиори остида яна бир ўқув йили якунланмоқда. Туманимиздаги 65-сонли умумий ўрта таълим мактабида шу муносабат билан ташкиллаштирилган тадбир жуда мазмунли ва шукуҳли ўтди. Янги ҳаётга қадам қўяяётган мактабимиз қалдирғочларининг саф бўлиб тизилиб, ўз фарзандидай ардоқлаб 11 йил таълим- тарбия берган устозларига меҳр билан боқиб туришлари кўзни қувонтиради.
Тадбирда мактаб ўқитувчилари, ўқувчилари, битирувчи синфлар ўқувчиларининг ота- оналаридан ташқари туман Мактабгача ва мактаб таълими бўлими психолог методисти Нурбек Сейтбоев, Дарё бўйи маҳалла фуқаролар йиғини раиси, ёшлар етакчиси ва фаоллар меҳмон бўлишди.
Тадбирни мактабимиз директори Ш. Хўжамуродова очди ва битирувчи синфлар ўқувчиларини умумий ўрта таълимни тугатиб, мустақил ҳаётга қадам қўяётганликлари билан қизғин қутлади, келгуси ўқиш ва ишларида муваффақиятлар тилади.
Кейин Президентимиз Ш.Мирзиёевнинг юртимиз умумий ўрта таълим мактаблари битирувчиларига йўллаган табригини ўқиб эшиттирди. Битирувчи ўқувчилар томонидан тайёрланган табрик ва рақслар, куй- қўшиқлар тадбир кўркига-кўрк қўшди. Иқтидорли ўқувчилар ва уларнинг ота-оналари мактаб маъмурияти томонидан "Фахрий ёрлиқ" ва "Ташаккурнома" лар билан тақдирландилар. Тадбир сўнггида ўқувчилар сўнгги қўнғироқ садоси остида даврани тарк этишди.Уларни барча йиғилганлар кўнгилларда бир орзиқиш билан, эзгу ниятлар тилаб кузатиб қолдилар.
Алижон ЙЎЛДОШЕВ, 65-сонли мактабнинг она тили ва адабиёт фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
