65-SONLI MAKTABDA “SOʻNGGI QOʻNGʻIROQ” TADBIRI OʻTKAZILDI
Yurtimizda "Ilmni qadrlang, ilmga intiling" shiori ostida yana bir oʻquv yili yakunlanmoqda. Tumanimizdagi 65-sonli umumiy oʻrta taʼlim maktabida shu munosabat bilan tashkillashtirilgan tadbir juda mazmunli va shukuhli oʻtdi. Yangi hayotga qadam qoʻyayayotgan maktabimiz qaldirgʻochlarining saf boʻlib tizilib, oʻz farzandiday ardoqlab 11-yil taʼlim- tarbiya bergan ustozlariga mehr bilan boqib turishlari koʻzni quvontiradi.
Tadbirda maktab oʻqituvchilari, oʻquvchilari, bitiruvchi sinflar oʻquvchilarining ota- onalaridan tashqari tuman Maktabgacha va maktab taʼlimi boʻlimi psixolog metodisti Nurbek Seytboyev, Daryo boʻyi mahalla fuqarolar yigʻini raisi, yoshlar yetakchisi va faollar mehmon boʻlishdi.
Tadbirni maktabimiz direktori Sh. Xoʻjamurodova ochdi va bitiruvchi sinflar oʻquvchilarini umumiy oʻrta taʼlimni tugatib, mustaqil hayotga qadam qoʻyayotganliklari bilan qizgʻin qutladi, kelgusi oʻqish va ishlarida muvaffaqiyatlar tiladi.
Keyin Prezidentimiz Sh.Mirziyoyevning yurtimiz umumiy oʻrta taʼlim maktablari bitiruvchilariga yoʻllagan tabrigini oʻqib eshittirdi. Bitiruvchi oʻquvchilar tomonidan tayyorlangan tabrik va raqslar, kuy- qoʻshiqlar tadbir koʻrkiga-koʻrk qoʻshdi. Iqtidorli oʻquvchilar va ularning ota-onalari maktab maʼmuriyati tomonidan "Faxriy yorliq" va "Tashakkurnoma" lar bilan taqdirlandilar. Tadbir soʻnggida oʻquvchilar soʻnggi qoʻngʻiroq sadosi ostida davrani tark etishdi.Ularni barcha yigʻilganlar koʻngillarda bir orziqish bilan, ezgu niyatlar tilab kuzatib qoldilar.
Alijon YOʻLDOShEV, 65-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
