НАМУНА ВА ҚУМЁП МАҲАЛЛАЛАРИДА ЯНГИДАН ИЧИМЛИК СУВИ ИНШООТЛАРИ ҚУРИЛМОҚДА
Чекка ҳудудда жойлашган Намуна маҳалласи ҳудудида Президентимизнинг ўтган йилги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги Қарорига асосан ичимлик суви таъминотини яхшилаш мақсадида янги сув иншооти қурилмоқда. Қиймати 5 млрд. 438,7 млн. сўмлик ушбу тозаланган сув тарқатиш иншооти “Манғит инвест максимум” МЧЖ томонидан қурилмоқда.
Айни пайтда ташкилот томонидан 7,1 км. узунликдаги сув тармоқларини янгидан тортиш, сув насосларини жойлаштириш, сув иншооти биносини қуриш ишлари бажарилмоқда. Эндиликда янгидан бунёд этилган сув тозалаш қурилмаси ер ости сувларини 30 метр чуқурликдан тозалаган ҳолда аҳоли истеъмоли учун етказиб беради. Сув иншооти ишга тушгач, 236 хонадонга қувурлар орқали сув етказиб берилади. Ҳозирги кунда маҳалла аҳолиси ҳудудда қувурлар тортилаётгани, ўз хонадонларида тоза ичимлик сувидан фойдаланиш имконияти яратилаётганидан жуда хурсанд.
Қурилиш ишларини ноябрь ойида тугатиб, фойдаланишга топшириш режа қилинган. Лекин ташкилотнинг 20 нафардан зиёд ишчилари қурилиш ишлари жадаллик билан давом эттириб, июль ойигача қуриб битказишга ҳаракат қилишмоқда.
Ундан ташқари, Қум ёп маҳалласи ҳудудида ҳам ичимлик суви таъминотини яхшилаш мақсадида янгидан сув иншоотини қуриш ишлари бошлаб юборилди. Бу ердаги қиймати 6 млрд. 641,6 млн. сўмлик бўлган қурилиш ишлари “Соф полимер” МЧЖ томонидан амалга оширилмоқда. Ушбу ҳудудда айни пайтда янгидан 1 та тозаланган сув тарқатиш иншоотини қуриш, 10,1 км. узунликдаги сув тармоқларини тортиш ишлари амалга оширилмоқда. Жадаллик билан қурилаётган ушбу сув иншооти орқали маҳалла ҳудудидаги барча аҳоли ичимлик суви билан таъминланиши кўзда тутилган.
Президентимизнинг тегишли Қарорларига асосан туман ҳудудида тоза ичимлик суви таъминоти кўламини кенгайтириш, бу орқали аҳоли саломатлигини сақлаш ва мустаҳкамлаш учун муносиб хизмат қилиш мақсадида муҳим чора-тадбирлар амалга оширилмоқда. Намуна ва Қумёп маҳаллалари аҳолиси ҳам жамиятимизда инсон манфаатлари барча нарсадан устун қўйилиб, амалга оширилаётган эзгу ислоҳотлар туфайли тоза ичимлик сувидан фойдаланиш имконияти яратилаётганидан беҳад мамнун бўлишмоқда. Чунки, бу туманимизнинг чекка ҳудуди аҳолиси учун жуда катта қулайликдир.
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
