NAMUNA VA QUMYoP MAHALLALARIDA YaNGIDAN IChIMLIK SUVI INShOOTLARI QURILMOQDA
Chekka hududda joylashgan Namuna mahallasi hududida Prezidentimizning oʻtgan yilgi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi Qaroriga asosan ichimlik suvi taʼminotini yaxshilash maqsadida yangi suv inshooti qurilmoqda. Qiymati 5 mlrd. 438,7 mln. soʻmlik ushbu tozalangan suv tarqatish inshooti “Mangʻit invest maksimum” MChJ tomonidan qurilmoqda.
Ayni paytda tashkilot tomonidan 7,1 km. uzunlikdagi suv tarmoqlarini yangidan tortish, suv nasoslarini joylashtirish, suv inshooti binosini qurish ishlari bajarilmoqda. Endilikda yangidan bunyod etilgan suv tozalash qurilmasi yer osti suvlarini 30 metr chuqurlikdan tozalagan holda aholi isteʼmoli uchun yetkazib beradi. Suv inshooti ishga tushgach, 236 xonadonga quvurlar orqali suv yetkazib beriladi. Hozirgi kunda mahalla aholisi hududda quvurlar tortilayotgani, oʻz xonadonlarida toza ichimlik suvidan foydalanish imkoniyati yaratilayotganidan juda xursand.
Qurilish ishlarini noyabr oyida tugatib, foydalanishga topshirish reja qilingan. Lekin tashkilotning 20 nafardan ziyod ishchilari qurilish ishlari jadallik bilan davom ettirib, iyul oyigacha qurib bitkazishga harakat qilishmoqda.
Undan tashqari, Qum yop mahallasi hududida ham ichimlik suvi taʼminotini yaxshilash maqsadida yangidan suv inshootini qurish ishlari boshlab yuborildi. Bu yerdagi qiymati 6 mlrd. 641,6 mln. soʻmlik boʻlgan qurilish ishlari “Sof polimer” MChJ tomonidan amalga oshirilmoqda. Ushbu hududda ayni paytda yangidan 1 ta tozalangan suv tarqatish inshootini qurish, 10,1 km. uzunlikdagi suv tarmoqlarini tortish ishlari amalga oshirilmoqda. Jadallik bilan qurilayotgan ushbu suv inshooti orqali mahalla hududidagi barcha aholi ichimlik suvi bilan taʼminlanishi koʻzda tutilgan.
Prezidentimizning tegishli Qarorlariga asosan tuman hududida toza ichimlik suvi taʼminoti koʻlamini kengaytirish, bu orqali aholi salomatligini saqlash va mustahkamlash uchun munosib xizmat qilish maqsadida muhim chora-tadbirlar amalga oshirilmoqda. Namuna va Qumyop mahallalari aholisi ham jamiyatimizda inson manfaatlari barcha narsadan ustun qoʻyilib, amalga oshirilayotgan ezgu islohotlar tufayli toza ichimlik suvidan foydalanish imkoniyati yaratilayotganidan behad mamnun boʻlishmoqda. Chunki, bu tumanimizning chekka hududi aholisi uchun juda katta qulaylikdir.
Ozoda Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
