1-СОНЛИ КАСБ-ҲУНАР МАКТАБИДА “КАСБЛАР ФЕСТИВАЛИ” ЎТКАЗИЛДИ
Бугунги кунда мамлакатимизда ёшлар билан янгича ишлаш тизими яратилганлиги, бунда уларнинг ижодий, спорт соҳасидаги қобилиятини ривожлантириш баробарида бандлигини таъминлашга алоҳида эътибор берилаётганлиги ўзининг ижобий самараларини бераяпти.
Айни кунларда туманимиздаги барча умумий ўрта таълим мактабларининг 9-11-синфлари битирувчилари қўлларига шаҳодатномаларини олиб, олам-олам орзулар билан ўз келажаги сари дадил қадам қўйиш арафасида туришибди. Уларнинг айримлари таълим олишни давом эттириш истагида бўлишса, айримлари касб-ҳунар эгаллашни ният қилишган.
Яқинда Қипчоқ шаҳарчаси ҳудудидаги 1-сонли касб-ҳунар мактабида ташкил этилган “Касблар фестивали” тадбири битирувчи синфлар ўқувчиларининг касб-ҳунарлар ҳақида тўлиқ маълумот олишларида, маълум бир касбни қатъий танлашида муҳим восита бўлди.
“Касблар фестивали”да ҳудуд мактабларининг 9-синфлари битирувчилар,и уларнинг ота-оналари, мактаблар психологлари, тумандаги бўш иш ўрни мавжуд корхоналар масъуллари иштирок этдилар.
Тадбирда битирувчи ўқувчилар мактаб ҳовлисида ушбу масканда ёшларга ўргатилаётган касб-ҳунарлар ҳақида маълумотлар берувчи кўргазма билан батафсил танишдилар. Касблар усталари, педагоглар ўқувчиларга касб танлаш – инсон ҳаётида муҳим аҳамиятга эгалиги, инсон айнан касбий фаолияти туфайли ҳаётда ўз ўринни топиши, шарафга эга бўлиши ҳақида маърузалар қилдилар.
Касб танлаш... бу жуда оддий туюлса-да, аслида инсоннинг ўз иқтидори, қизиқишига яраша касб танлаши унинг ҳаёти мазмунини белгилайди. Касбнинг яхши ёмони бўлмаганидек, осони ҳам бўлмайди. Ҳар ким ўзи эгаллаган касбида ҳалол ва ихлос билан ишлаши муҳим.
Байрамона безатилган касб-ҳунар мактаби ҳовлисида ушбу муассасада фаолият олиб бораётган турли йўналишлар, тўгараклар, қисқа муддатли курслар, ишлаб чиқариш цехлари ҳақида ахборот-маълумотлар жойлаштирилганлиги ўқувчилар эътиборини тортди. Шунингдек, барча ўқув-амалиёт хоналари, ўқувчилар учун яратилган шароитлар билан танишиш ёрқин таассурот қолдирди.
Мазкур касб-ҳунар мактабида айни кунда 12 та гуруҳда 303 нафар ёшлар касб-ҳунар ўрганишмоқда.
Уларнинг 166 нафари битирувчилардир. 2023-2024 ўқув йилида муассасага яна 9 та йўналишга 330 нафар мактабларнинг 9-синфлари битирувчилари ўқишга қабул қилинади. Тикувчилик, иссиқхона ва парник хўжалиги лаборанти, автомабиллар двигателларини ташхислаш ва таъмирлаш, электрик, асаларичи, тракторчи-машинст, йигирувчи, рақамли ахборотларни қайта ишлаш устаси, балиқчилик йўналишларида таълим олишни истайдиган, олисдан келиб ўқийдиган ўқувчилар учун 100 ўринли ётоқхона мавжуд.
“Касблар фестивали” иштирокчилари бўлган 9-синфлар битирувчиларига тадбирда бу ҳақда батафсил маълумотлар берилди, ўқув-амалиётхоналари билан таништирилди.
Тадбир ўқувчиларнинг ўз келадаги учун касб танлашида муҳим қарорларга келишига замин бўлди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
