Сўзи билан амали бир фермер
Бугун юртимизда ер оламан, экин экиб, юрт равнақига, мамлакат иқтисодиётига ўз улушимни қўшаман, аҳолининг турмуш фаровонлигини яхшилаб, ишсиз аҳолини иш билан таъминлайман деган фуқароларимиз кўплаб топилади.
Лекин ердан унумли фойдаланиш, бозорларимизни сархил мева-сабзавотлар билан тўлиқ таъминлаш бирмунча машаққатни талаб этади. Шунга қарамай, фермерлик касбининг бор машаққат ва масъулиятини ўз елкасига ортиб юртимиз ривожига ва аҳоли фаровонлигига ўз ҳиссасини қўшиб келаётган фермерлар сони тобора кўпаймоқда.
Мамлакатимизда фермер, деҳқон хўжаликларини ва томорқа ер эгаларини янада ривожлантириш, уларнинг фаолият кўламини кенгайтиришга устувор аҳамият берилаётгани туфайли Амударё туманининг Оқ олтин овули ҳудудидаги “Холбек-Элбек” фермер хўжалиги раҳбари Иномжон Мадраимовда ҳам фермерлик фаолияти билан шуғулланиш истаги уйғонди. У ўз фаолиятини 2015 йилда бошлаган эди. Фаолиятини бошлаганига ҳали кўп бўлмасада ишнинг кўзини билгани учун Амударёнинг энг илғор фермерлари қаторидан жой олди.
Жорий йилги ҳосил учун фермер жами 94,6 гектар экишлик майдонининг 50 гектар қисмига пахта, 22 гектарига буғдой, 3 гектарига тарвуз, қолган 19,6 гектарига турли дуккакли ва мойли экинлар, полиз маҳсулотларини экди.
Эрта баҳордан қадалган уруғ навлари бугун ўзининг баракали ҳосилини бериб, унга катта даромад келтирмоқда. Айниқса, Иномжон Мадраимовнинг фермер хўжалиги далаларида етиштирилган неъматлар ўзига хос, таъми-ю хусусияти билан тахсинга лойиқ. Бунда лафзи ҳалол, фидойи деҳқонларимизнинг меҳнати мужассам.
Фермер хўжалигида етиштирилаётган сархил маҳсулотлар эндиликда нафақат халқимизнинг, балки хорижликлар дастурхонини ҳам безаб, файзини оширмоқда. Илғор фермер ички бозорларимизни ушбу арзон ва сифатли қишлоқ хўжалиги маҳсулотлари билан таъминлабгина қолмасдан, етиштирган маҳсулотларини хорижга экспорт қилмоқда. Бугунги кунда фермер хўжалигида 6 нафар ишчи, 20 нафар пудратчи фаолият юритмоқда.
Кейинги йилларда бутун дунёда бўлгани каби юртимизда ҳам сув тақчиллиги сезилмоқда. Бу эса сувдан оқилона фойдаланишни талаб этади. Ташаббускор, инновацион ёндашувларни ишлаб чиқаришда қўллашни хуш кўрадиган фермер ғўза майдонларини томчилатиб суғориш усулидан ҳам фойдаланмоқда.
Шу ўринда айтиш лозимки, бугунги фермерларимиз онгида том маънода туб бурилишлар ясалди. Бундан ўн беш йил олдин даромад кўриш, машина олиб, уй қуриш мақсадида меҳнат қилган фермер бугун хўжалиги қошида қайта ишлаш корхоналари очиш, янги иш ўринлари яратиб, ёшларни иш билан таъминлаш нияти билан яшамоқда. Фермерларимиз ўз муаммоларини юқори минбарлардан туриб гапирмоқда, мамлакатимизнинг ижтимоий-иқтисодий, сиёсий ҳаётида амалга оширилаётган изчил дастурларда фаол иштирок этмоқда.
Буларнинг бари истиқлол боис фермерларга яратилаётган қулай шарт-шароит ва имтиёзлар туфайлидир. Тиниб-тинчимас ва меҳнаткаш фермернинг бундан кейинги ишларида ҳамиша омад ёр бўлишини тилаймиз!
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
