«GSM Репитор» қурилмаларидан қонунга хилоф равишда фойдаланманг
Мобиль алоқа хизматисиз кундалик турмушимизни кўз олдимизга келтиришимиз қийин бўлиб бормоқда. Уларнинг сифатли ишлаши операторларнинг асосий мақсади бўлиб ҳисобланади.
Лекин бугунги кунда мобиль алоқа хизматларининг сифатсиз ишлаши бўйича кўплаб мурожаатлар келиб тушмоқда. Ушбу мурожаатлар ўрганилиб, сабаблари аниқлаштирилганда фуқаролар томонидан ўзлари билиб-билмаган ҳолда мобиль алоқа сигналларига ҳалақит берувчи қурилмалардан фойдаланиш ҳолатлари аниқланмоқда. Бундай қурилмалар халқ тилида «GSM репитор»лар деб аталади. Бу – мобиль алоқа сигналлари паст бўлган жойларда оператор сигналларини кучайтириб берувчи қурилма бўлиб ҳисобланади. Бу қурилмалардан одатда бинолар ичида (офислар, уйлар, подваллар) сигнал даражаси паст бўлган жойларда фойдаланиш ҳолатлари кўп учрамоқда.
«GSM репитор» қурилмаларидан фойдаланганда радиочастота спекторида ишловчи мобиль алоқа станцияларининг ишлашига ўз таъсирини кўрсатади. Бунинг натижасида «GSM репитор» ўрнатилган ҳудудда ушбу қурилмадан фойдаланувчидан ташқари, бошқа абонентлар ҳам мобиль алоқа хизматидан фойдаланишида чекловларга олиб келади.
Юқоридаги ҳолатларни бартараф этиш мақсадида Радиочастоталар бўйича Республика Кенгашининг 2022 йил 23 августдаги «Ўзбекистон Республикаси ҳудудида мобиль алоқа сигналларини кучайтириб берувчи ретранслятор қурилмаларидан фойдаланиш туғрисида»ги тегишли Қарори қабул қилинган.
Ушбу Қарорга асосан, Ўзбекистон Республикаси ҳудудида ишлаб чиқарилган, модернизация қилинган, чет эллардан олиб кириладиган ретранслятор қурилмалари Республикада белгиланган тартибда электро-магнит мослашув нормаларига ва техник талабларга мувофиқлилиги бўйича сертификатга эга бўлиши шартлиги белгиланган.
Юқоридаги Қарор талабларининг бажарилишини ҳамда мобиль алоқа хизматларининг сифатли кўрсатилишини таъминлаш мақсадида Ўзкомназорат инспекцияси Қорақалпоғистон Республикаси ҳудудий бўлими ҳамда Қорақалпоғистон Республикаси Электромагнит мослашув хизмати мутахассислари томонидан мобиль алоқа хизматлари сифати бўйича келиб тушган мурожаатлар асосида режали мониторинг ишлари олиб борилмоқда.
Жисмоний ва юридик шахслар томонидан Қонунда белгиланмаган радио қурилмаларидан тегишли тартибда огоҳлантириш хатлари берилгандан кейин қайта фойдаланиш ҳолатлари аниқланса, бу радио қурилмалар тегишли тартибда олиб қўйилиб, ушбу шахсларга нисбатан Ўзбекистон Республикаси Маъмурий жавобгарлик тўғрисидаги Кодексининг 152-моддасига асосан маъмурий жазо чоралари кўрилишига сабаб бўлади.
Ж.Даулетова, Ўзкомназорат ҚР ҳудудий бўлими,
Мобиль алоқа тармоқларини назорат қилиш бўлими етакчи мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
