ЧОЙКЎЛ ОВУЛИДА “ИДЕАЛ” ДЎКОНЛАР ТАРМОҒИНИНГ ЯНГИ САВДО ШОХОБЧАСИ ЎЗ ФАОЛИЯТИНИ БОШЛАДИ
Мамлакатимизда тадбиркорлик соҳасига кўрсатилаётган эътибор, имтиёз ва рағбат туфайли турли соҳалар бўйича ўз тадбиркорлик фаолиятини йўлга қўйиб, халқимизнинг мушкулини осон, оғирини енгил қилаётган ишбармонлар сафи тобора ошиб бормоқда.
Амударё туманида ҳам тадбиркорлик соҳасидаги ижобий ўзгаришлар. мустаҳкам ҳуқуқий асослардан самарали фойдаланган ҳолда тадбиркорлик соҳасида юқори натижаларга эришаётган ишбилармонлар талайгина.
Асли касби рус тили ва адабиёт фани ўқитувчиси бўлган манғитлик Бахтиёр Ўрозимбетов тадбиркорлик соҳасига қизиқиб қолганида уни биринчи бўлиб отаси Раҳимбой ота Ўрозимбетов чин дилдан қўллаб-қувватлади, ўғлига зарур маслаҳат ва тавсиялар берди. Ота дуосини олиб, 2005 йилда савдо-сотиқ йўналишида илк фаолиятини бошлаган Бахтиёр Ўрозимбетов тинимсиз изланди, тадбиркорлик соҳасига оид қўлланмалар, ҳукумат қарорлари билан танишишдан асло тўхтамади. Айниқса, отаси, узоқ йиллар давлат идораларида ишлаб, халқ ҳаёти ва эҳтиёжларини яқиндан ўрганган Раҳимбой Ўрозимбетовнинг маслаҳати билан бозор талабларини пухта ўрганди. Фаолиятини кенгайтириб, “Идеал” дўконлар тармоғини ташкил этди.
Бугунги кунда Бахтиёр Ўрозимбетов раҳбарлигидаги “Идеал” дўконлар тармоғи таркибидаги савдо шохобчалари Манғит ва Нукус шаҳарларида халққа маиший техника воситалари, замонавий уй жиҳозлари, хусусан, меҳмонхона ва ошхона, айвонлар учун туркум жиҳозлар, шунингдек, автомашиналар савдоси бўйича намунали хизмат кўрсатиб келмоқда. Асосийси, Бахтиёр Ўрозимбетовнинг саъй-ҳаракатлари туфайли “Идеал” дўконлар тармоғи тасарруфидаги савдо шохобчаларида 18 нафар ёшларнинг доимий иш билан бандлиги таъминланди.
Бахтиёр Ўрозимбетов яна бир эзгу ишга қўл урди. Чойкўл овулининг Нўғой Эшон бобо аҳоли пункти ҳудудидаги ташландиқ ерни обод қилиб, бу ерда “Идеал Преьмер” дўконлар тармоғининг яна бир шохобчасини бунёд этди. 17 август куни маиший техника воситалари, турли тоифадаги уй жиҳозлари ҳамда енгил автомашиналар билан савдо қилишга мўлжалланган савдо масканининг очилиш маросимида Амударё тумани ҳокимининг ўринбосари Нодирбек Камолов, Чойкўл овули фуқаролар йиғини раиси Бегзод Айтеков, меҳнат фахрийси, тадбиркор Бахтиёр Ўрозимбетовнинг отаси Раҳимбой ота Ўрозимбетов ҳамда чойкўллик нуроний отахонлар иштирок этдилар.
Савдо шохобчасининг очилиш маросимида сўзга чиққан чойкўллик нуронийлар ташландиқ жойни обод ва сўлим гўшага айлантириб, 3 нафар ёшнинг доимий бандлигини таъминлагани, қишлоқ аҳолиси учун қулайлик яратгани, мушкулини осон, оғирини енгил қилгани учун тадбиркорга чин дилдан миннатдорчилик билдиришди.
Тадбиркорнинг ўз маблағи ва имтиёзли кредит ҳисобига бунёд этилган икки қаватли кўркам бинода ўз фаолиятини бошлаган янги савдо шохобчасида шу куннинг ўзида харидорларга хизмат кўрсатиш бошлаб юборилди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
