«Тараққиёт кўзгуси» газетаси махсус мухбири Ойгул Ражабова «Меҳнат фахрийси» кўкрак нишони билан тақдирланди
Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси Васийлик кенгашининг 2023 йил 27 майдаги «Меҳнат фахрийси» кўкрак нишони билан тақдирлаш тўғрисида”ги қарорига мувофиқ, мамлакатимизнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳаларида кўп йиллар давомида ҳалол ва самарали меҳнат қилган пенсия ёшидаги бир гуруҳ юртдошларимиз «Меҳнат фахрийси» кўкрак нишони билан мукофотланди.
Мукофотланганлар қаторида узоқ йиллардан бери туманимиз матбуотига ўз ҳиссасини қўшиб келаётган тажрибали журналист Ойгул Ражабова ҳам бор.
У илк журналистик фаолиятини 1985 йилда «Амударё ҳақиқати» (ҳозирги «Тараққиёт кўзгуси») газетаси таҳририятида қишлоқ хўжалик бўлими мухбири лавозимида ишлашдан бошлаган. Кўп йиллар давомида мазкур газетанинг бўлим мудири, масъул котиби вазифаларида самарали меҳнат қилиб, туманимиз ижтимоий-иқтисодий ҳаётида, юртдошларимиз турмушида рўй бераётган янгиликларни фаол ёритиб келди.
Ижодий фаолияти давомида “Машаққатларда тобланган умр” очерки, “Тушларимга кириб туринг” эссе жанридаги ижод намуналарини китобхонлар эътиборига тақдим этди. Моҳир таржимон сифатида қорақалпоқ шоир ва ёзувчиларининг асарларини ўзбек тилига ўгириб, миллатлар ва адабиётлар дўстлигининг мустаҳкамланишига ҳисса қўшди.
Фидойи журналистнинг меҳнатлари давлатимиз томонидан эътироф этилиб, турли йилларда Қорақалпоғистон Республикаси Жўқорғи Кенгесининг, Ўзбекистон Журналистлари ижодий Уюшмасининг Фахрий ёрлиқлари, «Ўзбекистон Республикаси мустақиллигига 20 йил» кўкрак нишонлари билан тақдирланган.
Таҳририятларимиз номидан Ойгул Ражабованинг II Даражали «Меҳнат фахрийси» кўкрак нишонига сазовор бўлгани билан табриклаб, унинг келгусидаги ижодий ишларига зафарлар тилаймиз!
"Тараққиёт кўзгуси" газетаси ва Амударё телевидениеси таҳририятлари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
