Элга хизмат – олий ҳиммат
Мен етмишинчи йилларнинг бошларида туманимиздаги жамоа хўжаликларидан бирида темирчи уста вазифасида ишлаётган отам – Тажим устанинг ишхонасига тез-тез бориб, унинг ишларини кузатардим, у-бу ишларига ёрдамлашиб юрардим. Устачиликка қизиқишим борлигини сезган отам менга дастлаб рўзғор буюмларини ясашни ўргата бошлади.
1975 йилдан мустақил уста сифатида иш бошладим. Шу даврдан то ҳозирги кунгача ҳунармандчилик билан шуғулланиб келаман.
Мустақиллик йилларида мамлакатимизда иқтисодиётни либераллаштириш, бошқарувнинг бозор тамойиллари ва механизмларини жорий этиш, қулай ишбилармонлик муҳитини шакллантириш, кичик бизнес ва хусусий тадбиркорликни ривожлантириш йўлидаги ортиқча бюрократик тўсиқ ва ғовларни бартараф этиш борасида тизимли ишлар амалга оширилмоқда.
Президентимизнинг 2015 йил 15 майдаги "Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида”ги Фармони хусусий тадбиркорликнинг иқтисодиётдаги роли ва ўрнини тубдан ошириш, тадбиркорлик фаолиятини ташкил этиш йўлидаги мавжуд тўсиқ ва чекловларни тугатиш, хусусий мулкнинг ялпи ички маҳсулотда, жумладан, хориж сармояси иштирокидаги улушини изчил ошириш учун янада қулай иқтисодий, ҳуқуқий шароит ва рағбатлар яратишга қаратилган.
Мамлакатимизда тадбиркорликни, шунингдек ҳунармандчиликни ҳар томонлама қўллаб-қувватлаш ва ривожлантиришга жуда катта эътибор берилаётганлиги менинг "Жумамурод уста” оилавий корхонасини очишимга сабабчи бўлди. Оилавий корхонамизда 5-6 киши, айрим пайтларда эса 10 кишигача меҳнат қиламиз. Биз ишлаб чиқараётган 40 хилдан зиёд уй-рўзғор буюмлари сифати яхшилиги туфайли ҳамша харидоргир бўлаяпти.
Келгусида биз
ишлаб чиқараётган маҳсулотларимиз турларини кўпайтириб, сифатини янада
яхшилашга эътиборни кучайтирамиз.
Мақсадимиз – элдошларимизга янада яхшироқ хизмат кўрсатиш ва уларнинг олқишига сазовор бўлиш.
Жумамурод БОБОЖОНОВ, ҳунарманд.
Мақола Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган лойиҳа доирасида тайёрланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
