Жайхун илҳомлари

Янги Ўзбекистоним!

Оламга танитди ўзлигинг сенинг,

Ёғдулар таратди юлдузинг сенинг.

Эларо машҳурдир нуфузинг сенинг,

Эй она юрт, янги Ўзбекистоним!

 

Кундан-кун яшнайди боғ-у бўстонинг,

Юксакка бошлайди ўтгувчи онинг.

Айтмоққа арзийди қутлуғ достонинг,

Эй она юрт, янги  Ўзбекистоним!

 

Ўтмишдан бошланар ҳаёт сабоғи,

Қаддингни тиклайди юксаклик тоғи.

Ҳаёт нашидаси сенда ардоқли,

Эй она юрт, янги Ўзбекистоним!

 

Эл нафин кўзловчи қонунларинг бор,

Осмонинг порлоқдир, еринг унумдор.

Асло туганмасдай бойликларинг бор,

Эй она юрт, янги Ўзбекистоним!

 

Туғилди янгича имконинг бу кун,

Ишга тушмоқдадир мис конинг бу кун.

Келажагинг гўё қуёшдек ёрқин,

Эй она юрт, янги Ўзбекистоним!

 

Иш юритар сенда аҳли донолар,

Кундан-кун бўй чўзар баланд бинолар.

Халққа манзур бўлар нурли хоналар,

Эй она юрт, янги Ўзбекистоним!

 

Ҳар жабҳада бордир буюк ўзгариш,

Янгича тадбирлар, янгича юриш.

Гўзаллик тарзига пардозлар бериш,

Эй она юрт, Янги Ўзбекистоним!

 

Спорт майдонида байроғинг баланд,

Иқтидорли ёшларга ардоғинг баланд.

Жаҳон аро сенинг довруғинг баланд,

Эй она юрт, янги Ўзбекистоним!

 

Билим масканида бор тенгсиз мисол,

Келажак ёшларинг топади иқбол.

Ўзбек деган номинг элларга тимсол,

Эй она юрт, янги Ўзбекистоним!

 

Янги Манғит бу кун кўтармоқда қад,

Талпинган дилларда бордир жасорат.

Янгиликлар сари чорлар иродат,

Эй она юрт, янги Ўзбекистоним!

 

Ўтмишни бу кунга гар этсак қиёс,

Янгича ҳаётга туғилар ихлос.

Ҳар битта удуминг инсонларга хос,

Эй она юрт, янги Ўзбекистоним!

 

Дилсайёр мамнундир ҳаёт йўлидан,

Шодликка вобаста иқбол нуридан.

Илҳоми жўш урар туйғуларидан,

Эй она юрт, янги Ўзбекистоним!

Худойберган ЖУМАМУРОДОВ.

 

Амударё

Боғларингда гуллар бўлиб очилсам,

Ҳар қадамда ифор бўлиб сочилсам.

Райҳон бўлиб порласам кўчаларда,

Амударём, ҳеч армоним бўлмасди.

 

Келган меҳмон гўзалликдан завқланса,

Иштиёқи ошиб, кўзи хуморланса,

«Боғи Эрам», дея диллар ҳавасланса,

Амударём, ҳеч армоним бўлмасди.

 

Бағрингда бир мевазорга айлансам,

Ҳайрат тўла юракларга жойлансам.

Бир бор келган меҳмон қайта соғинса,

Амударём, ҳеч армоним бўлмасди.

 

Бугун тарих сўзламоқда адолатдан.

Ҳар гўшангда кўнгил обод тароватдан.

Тўртта фасл берган ризқ-у барокатдан,

Амударём, мангу ёрқин келажагинг!

Зуҳра Аҳмедова.

 

Оролим

Оролим, сен менинг тақдирим, борим,

Кўзимдаги нурим, томирда қоним,

Қисматингдан сўзлаб, инграр бу жоним.

Фақат сен кетмагил, кетмагил орим,

Кузги хазон янглиғ сўлма, Оролим.

 

Халқимнинг қалбида ушалмас армон,

Барчанинг тунлари уйқусиз, бедор,

Нобуд бўлиб кетмоқда қанчалаб жонлар...

Фақат сен кетмагил, кетмагил орим,

Кузги хазон янглиғ сўлма, Оролим.

 

Майли ,ташвишларга тўлсин бу бошим,

Майли, керагича оқсин кўз ёшим,

Майли, чидаб берсин сўнгги бардошим.

Фақат сен кетмагил, кетмагил орим,

Кузги хазон янглиғ сўлма, Оролим.

 

Кетсанг-да чекиниб қирғоқдан зор-зор.

Ҳали умид қуёши порлагай дилда,

Қучоқларинг тўлгай лиммо-лим сувга.

Фақат сен кетмагил, кетмагил орим,

Кузги хазон янглиғ сўлма, Оролим.

Маҳбуба Сариева,

69-сонли мактаб ўқитувчиси.

 

ФАХРИМСАН!

Киндик қоним тўкилган қадрдон ота макон,

Фақат сенинг қучоғингда ором олар ширин жон.

Менинг жисм-у жоним-ла турсин номинг ёнма-ён,

Ўғил-қизинг бахтисан, фахримсан, Амударё!

 

Қайга борсам, атасинлар мени Аму қизи, деб,

Шунинг учун нурга тўла, порлаб турар кўзи, деб.

Ушбу элнинг инсонлари фариштанинг ўзи, деб,

Ўғил-қизинг бахтисан, фахримсан, Амударё!

 

Тақир ерда ниҳоллар ўстирган боғбонларинг,

Она ерни исроф қилмай яшайди деҳқонларинг.

Болаларга илм-у ҳунар ўргатган устозларинг,

Ўғил-қизинг бахтисан, фахримсан, Амударё!

 

Ҳақиқатни гапирамиз, бизда қуруқ мақташ йўқ,

Ақл билан иш тутамиз, шунинг учун кулфат йўқ.

Ҳамма билиб турибди-ку, айтишга ҳеч ҳожат йўқ,

Ўғил-қизинг бахтисан, фахримсан, Амударё!

 

Сен ҳақингда куйласам, сахий дейми номингни?

Ахир фақат бизлар учун бахш этгансан борингни.

Минг йилларки, ювиб ётар Жайҳун азиз пойингни,

Ўғил-қизинг бахтисан, фахримсан, Амударё!

 

Номинг тилдан тушмас сира, энг гўзал ва жарангдор,

Аждодларнинг дуолари қўллайверади такрор.

Сен учун фидо жонлар ҳар юмушингга тайёр,

Ўғил-қизинг бахтисан, фахримсан, Амударё!

 

Фарзандларинг ҳар соҳада билимдон-у пешқадам,

Баланд-баланд марраларни кўзлаб, ташлайди қадам.

Халқим, деган не мардларинг эзгуликларга ҳамдам,

Ўғил-қизинг бахтисан, фахримсан, Амударё!

 

Сенинг меҳринг эрур халқни бирдамликка кўндирган,

Шу бирдамлик ила барча иллатларни сўндирган.

Сен буюксан, оғушингда буюкларни ўстирган,

Барно қизинг бахтисан, фахрисан, Амударё!

Барно Самандарова.

 

ВАТАНИМ!

Ватаним, бағрингда ўсаяпман бахтли,

Сен борсан, ғамим йўқ, юраман шахдли.

Сен бизга ифтихор, номинг шарафли,

Ҳар олган нафассан, бизга керакли.

 

Сендан асло айро тушмасин йўлим,

Сен-ла бирга бўлсам, самода қўлим.

Кўкни бўйлайверар сарвқомат бўйим,

Сен билан татийди байрамим, тўйим.

 

Ҳеч қайси Ватанга алишмам сени,

Ахир болам, дединг улғайтиб мени.

Энди айт, фарзандинг сенга деб нени

Илинсин, сен унга илинган каби!

 

Сенда топган ўша ҳузур-ҳаловат,

Бошқа ҳеч жаҳонда қилмас тароват.

Сенинг чиройингдан гуллар хижолат,

Мен учун бу борлиқ сендан иборат!

Феруза Раҳимова.

 

ВАТАН

Ватанга бир назар сол,

Ифоридан ором ол.

Тўрт томони чаманзор,

Авлодлар топгай камол.

Ватаним қудратидан,

Ҳайбат-у савлатидан.

Фахр этаман ҳамиша,

Ҳуррият давлатидан.

Мевазор боғларида,

Пурвиқор тоғларида,

Очилмаган сирлар бор,

Оқ-мармар тонгларида.

Гулларини ҳидласанг,

Ватан ҳиди келади.

Зилол, тиниқ сувлари,

Дилга ором беради.

Машҳура Ражабова.

 

Ўзбекистон

Ватаним Ўзбекистон,

Осмонлари мусаффо.

Шунчалар сўлим макон,

Ҳавоси танга шифо.

Ватаним, гул чаманим,

Жон қадар азиз макон.

Меҳрга тўла бағринг,

Жонажон Ўзбекистон.

Райҳон Тожибоева,

50-мактаб ўқувчиси.