ЖЎҚОРҒИ КЕНГЕС РАИСИ АМАНБАЙ ОРИНБАЕВ АМУДАРЁ ТУМАНИ ФАОЛЛАРИ БИЛАН УЧРАШДИ
Қорақалпоғистон Республикаси Жўқорғи Кенгеси Раиси Аманбай Оринбаев 11 сентябрь куни Амударё тумани фаоллари билан учрашув ўтказди.
Учрашувда Президентимиз бошчилигида бугунги кунда Қорақалпоғистон Республикасини ҳар томонлама ривожлантириш, халқнинг турмуш фаровонлигини таъминлаш, инфраструктура билан боғлиқ муаммоларга ечим топиш йўналишида амалга оширилаётган ишлар ҳақида сўз борди.
Айтиш жоизки, бугунги кунда аҳолининг йиллар давомида йиғилиб қолган муаммолари ва ташвишларининг ечимини топишда барча бўғинлардаги раҳбарлар пастга тушиб, “Халқ давлат ташкилотларига эмас, давлат ташкилотлари халқимизга хизмат қилиши керак!” деган тамойил асосида амалий ишлар олиб боришмоқда.
Аҳолининг турмуш сифатини янада яхшилаш ва ҳудудлар инфратузилмасини ривожлантириш борасида олиб борилаётган тизимли ишларнинг давоми сифатида туманда давлат дастури бўйича 2023 йилда 71 ижтимоий ва инфраструктура объектларида 69,8 млрд. сўмлик маблағ эвазига қурилиш-таъмирлаш ишларини амалга ошириш режалаштирилган.
Қолаверса, инвестиция дастури ва бошқа мақсадли дастурлар доирасида ҳам маҳаллаларда биринчи навбатда амалга оширилиши режалаштирилган ишлар белгилаб олинган бўлиб, инфраструктурани янада яхшилаш, ёрдамга муҳтож фуқароларни қўллаб-қувватлаш борасида муайян ишлар амалга оширилаётган қайд қилинди. Шунингдек, Вазирлар Кенгашининг резерв фонди ҳисобидан тупроқ йўлларга тош-шағал аралашмасини ётқизиш, кўп қаватли турар жойларда таъмирлаш ва ободонлаштириш ишларини олиб бориш каби бир қатор вазифалар белгилаб берилган бўлиб, бу борада ҳам амалий ишлар давом этмоқда.
Жўқорғи Кенгес Раиси амалга оширилаётган ишлар билан бир қаторда, ҳалигача жавобини кутаётган муаммолар ҳам бор эканлигини таъкидлаб ўтди.
Очиғини айтганда, халқнинг кайфиятига тўғридан-тўғри таъсир қиладиган бозор инфраструктураси, йўл, электр энергияси ҳамда ичимлик суви таъминоти, сифатли тиббий хизмат кўрсатиш борасида бир қатор муаммолар учрамоқда. Бу ҳақда учрашувда батафсил сўз борди ва таъкидланган муаммолар Жўқорғи Кенгес Раисининг шахсий назоратида экани ва тез орада ижобий ўзгаришлар амалга оширилиши қайд қилинди.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
