JOʻQORGʻI KENGES RAISI AMANBAY ORINBAYeV AMUDARYo TUMANI FAOLLARI BILAN UChRAShDI
Qoraqalpogʻiston Respublikasi Joʻqorgʻi Kengesi Raisi Amanbay Orinbayev 11-sentyabr kuni Amudaryo tumani faollari bilan uchrashuv oʻtkazdi.
Uchrashuvda Prezidentimiz boshchiligida bugungi kunda Qoraqalpogʻiston Respublikasini har tomonlama rivojlantirish, xalqning turmush farovonligini taʼminlash, infrastruktura bilan bogʻliq muammolarga yechim topish yoʻnalishida amalga oshirilayotgan ishlar haqida soʻz bordi.
Aytish joizki, bugungi kunda aholining yillar davomida yigʻilib qolgan muammolari va tashvishlarining yechimini topishda barcha boʻgʻinlardagi rahbarlar pastga tushib, “Xalq davlat tashkilotlariga emas, davlat tashkilotlari xalqimizga xizmat qilishi kerak!” degan tamoyil asosida amaliy ishlar olib borishmoqda.
Aholining turmush sifatini yanada yaxshilash va hududlar infratuzilmasini rivojlantirish borasida olib borilayotgan tizimli ishlarning davomi sifatida tumanda davlat dasturi boʻyicha 2023-yilda 71 ijtimoiy va infrastruktura obʼektlarida 69,8 mlrd. soʻmlik mablagʻ evaziga qurilish-taʼmirlash ishlarini amalga oshirish rejalashtirilgan.
Qolaversa, investitsiya dasturi va boshqa maqsadli dasturlar doirasida ham mahallalarda birinchi navbatda amalga oshirilishi rejalashtirilgan ishlar belgilab olingan boʻlib, infrastrukturani yanada yaxshilash, yordamga muhtoj fuqarolarni qoʻllab-quvvatlash borasida muayyan ishlar amalga oshirilayotgan qayd qilindi. Shuningdek, Vazirlar Kengashining rezerv fondi hisobidan tuproq yoʻllarga tosh-shagʻal aralashmasini yotqizish, koʻp qavatli turar joylarda taʼmirlash va obodonlashtirish ishlarini olib borish kabi bir qator vazifalar belgilab berilgan boʻlib, bu borada ham amaliy ishlar davom etmoqda.
Joʻqorgʻi Kenges Raisi amalga oshirilayotgan ishlar bilan bir qatorda, haligacha javobini kutayotgan muammolar ham bor ekanligini taʼkidlab oʻtdi.
Ochigʻini aytganda, xalqning kayfiyatiga toʻgʻridan-toʻgʻri taʼsir qiladigan bozor infrastrukturasi, yoʻl, elektr energiyasi hamda ichimlik suvi taʼminoti, sifatli tibbiy xizmat koʻrsatish borasida bir qator muammolar uchramoqda. Bu haqda uchrashuvda batafsil soʻz bordi va taʼkidlangan muammolar Joʻqorgʻi Kenges Raisining shaxsiy nazoratida ekani va tez orada ijobiy oʻzgarishlar amalga oshirilishi qayd qilindi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
