АЁЛИН ЭЪЗОЗЛАБ ЯШАЁТГАН ЮРТ
6 март куни туман ҳокимлигида 8 март – Халқаро хотин-қизлар куни муносабати билан тантанали тадбир бўлиб ўтди.
Тадбирга халқ депутатлари туман Кенгаши депутатлари, туман ҳокимлиги, муассаса, корхона ва ташкилотлар, фуқароларнинг ўзини ўзи бошқариш органлари, таълим муассасалари ҳамда жамоат ташкилотларининг фаол аёл-қизлари, кенг жамоатчилик вакиллари ташриф буюрдилар.
Тадбирни туман
ҳокими ўринбосари, Хотин-қизлар қўмитаси раиси Марям Аҳмедова очди ва олиб
борди.
Туман ҳокимининг биринчи ўринбосари Баҳодир Эрназаров Амударё тумани ҳокими Ражаббой Йўлдошевнинг туманимиз аёл-қизларига табригини ўқиб эшиттирди.
Тадбирда сўзга чиққанлар таъкидлаганидек, аёлга эҳтиром кўрсатиш юртимизда маънавий ислоҳотларимизнинг бош мезонига айланган. Бу эҳтиром замирида оилага, Ватанга, эртанги авлод келажагига бўлган эъзоз ва эътибор мужассам. Истиқлол йилларида хотин-қизларимизнинг ҳуқуқ ва манфаатларини ҳимоя қилиш, уларни давлат ва жамият бошқарувига кенг жалб қилиш, оналик ва болаликни асраш йўналишларида қатор амалий ишлар қилинаётгани таҳсинга лойиқдир. Бугун давлат бошқаруви, жамият қурилишида, маънавий-демократик янгиланишларда аёлларимизнинг роли кун сайин ортиб бораётгани ана шу ишларнинг самарасидир.
Яқиндагина давлатимиз раҳбарининг қарори билан Зулфияхоним таваллудининг 100 йиллиги юртимиз бўйлаб кенг нишонлангани ҳам аёл зотига ҳурмат ва эҳтиром кўрсатишдек эзгу мақсадларга йўналтирилган.
Тадбирда турли соҳаларда самарали фаолият юритаётган илғор аёл-қизларга туман ҳокимлигининг фахрий ёрлиқ ва эсдалик совғалари топширилди ҳамда туман маданият ва спорт ишлари бўлими томонидан тайёрланган байрам дастури намойиш қилинди.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
