ИЛҒОР ТEРИМЧИЛАР РАҒБАТЛАНТИРИЛДИ
Амударё туманида жорий йилги пахта терими мавсуми қизғин давом этмоқда. Фермер хўжаликлари пудратчилари ва теримда уларга яқин кўмакдош бўлаётган уюшмаган аҳоли вакиллари далаларда етиштирилган ҳосилни ёғин-сочинли кунларга қолдирмай, йиғиб-териб олишга ва оилаларига қўшимча даромад келтиришга астойдил ҳаракат қилишмоқда.
Кузнинг илиқ кунларидан унумли фойдаланган ҳолда пахта ҳосилини нест-нобуд қилмасдан йиғиб олиш муҳим масалалардан бири ҳисобланади. Бунинг учун туманнинг барча ҳудудларида ҳам жиддий тайёргарлик кўрилди ва пахта теримига сентябрь ойи бошлариданоқ уюшқоқлик билан киришилди.
Тошёп овулидаги Жангил Дусанова раҳбарлик қилаётган “Озодов Мусобек” фермер хўжалигида туманда биринчилардан бўлиб пахта йиғим-теримига киришилган эди. Хўжаликда 57 гектар майдонда пахта етиштирилди. Бугунга келиб ушбу далалардан 177 тоннадан зиёд пахта териб олинди. Теримчилар бир кунда 6-8 тонна ҳосил териб олишиб, туманнинг “оқ олтин” хирмони юксалишига муносиб ҳисса қўшишмоқда.
Мазкур фермер хўжалик масъулияти чекланган жамият шаклидаги “Амударётех” хорижий корхонаси пахта -тўқимачилик кластери билан жами 200 тонна пахта топшириш шартномасини тузган. Ушбу шартнома яқин кунларда адо этилади. Шу мақсадда терим суръати кун сайин оширилмоқда.
Айтиш жоизки, тумандаги барча фермер хўжаликларнинг техника таъминоти яхшиланиб, чигит экиш ишлари замонавий сеялкалар ёрдамида амалга оширилгани, далалар ўз вақтида экишга тайёрланиб, тобида чигит экилгани бугунги мўл ҳосилнинг асоси бўлди. Сувдан оқилона фойдаланилгани, минерал ўғитлар билан ўз вақтида ишлов берилгани натижасида ҳамда деҳқонларнинг фидокорона меҳнати эвазига далаларда мўл ҳосил тўпланишига эришилди.
Туманда 2023 йил пахта йиғим-теримини оптимал муддатларда амалга ошириш мақсадида чора-тадбирлар дастури ишлаб чиқилган эди. Шунга кўра 310та терим отряди ташкил қилиниб, уларга тажрибали мутахассислардан иборат раҳбарлар тайинланди.
Отрядларга пахта-тўқимачилик кластери ва фермер хўжаликларининг жами 25 минг 682 нафар теримчилари, ҳар бир отрядга ўртача 82 нафар теримчидан жалб қилинди. Шунингдек теримчиларга ўз вақтида терим пулларини бериб бориш мақсадида банк ходимлари бириктирилган.
Йиғим-терим тобора қизғин паллага кираётган айни пайтда дала меҳнаткашлари учун қулай иш ва дам олиш шароити яратилгани “Озодов Мусобек” фермер хўжалиги теримчиларига ҳам ғанимат кунлардан унумли фойдаланган ҳолда самарали меҳнат қилиш имконини бермоқда.
Пахта йиғим-терими суръатини ошириш ва теримчиларни рағбатлантириш мақсадида мазкур фермер хўжалигидаги илғор теримчилар 4-сектор раҳбарияти ва фуқаролар йиғини томонидан рағбатлантирилди.
4-сектор раҳбари ҳамда Тошёп овул фуқаролар йиғини раиси пахтакорларга куч-ғайрат тилаб, илғор теримчилар – Нодира Ҳайтбоева, Сайёра Йўлдошева,Феруза Қурбонбоева, Навбаҳор Жабборберганова, Гулноза Йўлдошева, Ширин Худойберганова, Боғдагул Камолова, Рабига Собироваларга қимматбаҳо совғалар топширилди.
Шу куни пахта теримчилар учун дала бошида ош тортилиб, санъаткорлар ижросида концерт дастури намойиш этилди.
Севара Исмоилова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
