САЙЁР СУДДА БЕЛГИЛАНМАГАН ЕР МАЙДОНИДА НОҚОНУНИЙ БИНО ҚУРГАН ФУҚАРОГА ЖАЗО ТАЙИНЛАНДИ
Дўстлик маҳалласида Жиноят ишлари бўйича туман суди томонидан сайёр суд мажлиси ўтказилди. Ушбу сайёр суд мажлисида ер участкаларини ўзбошимчалик билан эгаллаб олиш жиноятини содир қилган фуқарога нисбатан қўзғатилган иш кўриб чиқилди.
Суд мажлиси давомида жиноят содир қилганликда айбланган фуқаро Х.М. (исм ўзгартирилган) 2022 йил декабрь ойида туманимиз ҳудудида жойлашган, ўзига тегишли бўлган кўп тармоқли фермер хўжалигига давлат томонидан фойдаланиш учун ижарага берилган суғориладиган экин майдонининг тегишли контуридаги суғориладиган ер майдонини ўзбошимчалик билан эгаллаб олгани, мазкур ер майдонида ноқонуний қурилиш ишларини амалга ошириб, чорвачилик билан шуғулланиш учун 178 кв/метр кенгликда молхона ва ем сақлаш учун омборхона биносини қургани маълум бўлди.
Ишни кўриб чиқиш мобайнида тўпланган далиллар ва бошқа тегишли ҳужжатлар ўрганилди, ҳимоячи ва тарафларнинг сўзлари тингланди. Шундан келиб чиқиб, фуқаро Х.М.га Ўзбекистон Республикаси ЖКнинг 229-1-моддасининг 2-қисмида кўрсатилган жиноятни содир этганликда айбдор деб топилди ва унга 2 йил озодликни чеклаш жазоси тайинланди. Шунингдек, судланувчидан етказилган 7671755 сўм зарар миқдорининг 7288167 сўм 25 тийини Республика бюджетига, 383587 сўм 75 тийини Қишлоқ хўжалиги вазирлиги ҳузуридаги Қишлоқ хўжалигини ривожлантириш ва озиқ-овқат таъминоти жамғармасига ундирилди.
Тайинланган жазо Х.М.нинг яшаш жойида ўташи белгиланди ва соат 21:00 дан эрталабки соат 06:00 га қадар бошқа ҳудудга чиқиши тақиқланди. Шунингдек, жазо устидан назорат қилувчи орган рухсатисиз яшаш жойини ўзгартирмаслик ва Амударё тумани ҳудудидан рухсатсиз чиқмаслик мажбуриятлари юклатилди.
Асқар Сафаров, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
