“БАРҲАЁТ СИЙМОЛАР” НОМЛИ АДАБИЙ-БАДИИЙ КЕЧА ЎТКАЗИЛДИ
15 февраль куни 44-сонли мактабда ҳазрат Алишер Навоий ҳамда буюк шоҳ ва шоир бобомиз Заҳириддин Муҳаммад Бобур таваллудига бағишлаб “Барҳаёт сиймолар” номли адабий-бадиий кеча ўтказилди.
Мактабнинг она тили ва адабиёт фани ўқитувчиси Саломат Каримова бошчилигида 5-А ва 5-Б синф ўқувчилари иштирокида ташкил этилган ушбу байрам тадбирини мактабнинг маънавий-маърифий ишлар бўйича директор ўринбосари Руфат Дўсимбетов очиб берди. Тадбирни ўқувчилар бобокалонлар қаламига мансуб ғазаллар билан давом эттиришди. Кеча давомидаги куй ва қўшиқлар, дилбар рақслар томошабинларга ҳақиқий байрамона кайфият улашди.
Байрам тадбирида шу мактабнинг она тили ва адабиёт фани ўқитувчиси Манзура Султонова, бошланғич таълим ўқитувчиси Нигора Тажибоева ва мактабнинг мусиқа фани ўқитувчиси Неъматжон Қурбонбоевлар сўзга чиқиб, Алишер Навоий ва Заҳириддин Муҳаммад Бобур ҳақидаги қизиқарли маълумотларни баён этишди. Бундай адабий кечалар ўтказилиши ўқувчилар ҳаётида унутилмас хотира сифатида муҳрланиши, буюк сиймоларга эҳтиром – миллатга эҳтиром, бугунги кун ёш-авлодлар қалбида жамият ҳаётида дахлдорлик ҳисси руҳида тарбиялашда муҳим дастуруламал вазифасини ўташини таъкидладилар.
Бобокалонлар таваллудига бағишлаб ташкил этилган “Барҳаёт сиймолар” номли адабий-бадиий кеча кўтаринки кайфиятда ўтди.
Саломат Каримова, 44-сонли мактабнинг она тили ва адабиёт фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
