“BARHAYoT SIYMOLAR” NOMLI ADABIY-BADIIY KEChA OʻTKAZILDI
15-fevral kuni 44-sonli maktabda hazrat Alisher Navoiy hamda buyuk shoh va shoir bobomiz Zahiriddin Muhammad Bobur tavalludiga bagʻishlab “Barhayot siymolar” nomli adabiy-badiiy kecha oʻtkazildi.
Maktabning ona tili va adabiyot fani oʻqituvchisi Salomat Karimova boshchiligida 5-A va 5-B sinf oʻquvchilari ishtirokida tashkil etilgan ushbu bayram tadbirini maktabning maʼnaviy-maʼrifiy ishlar boʻyicha direktor oʻrinbosari Rufat Doʻsimbetov ochib berdi. Tadbirni oʻquvchilar bobokalonlar qalamiga mansub gʻazallar bilan davom ettirishdi. Kecha davomidagi kuy va qoʻshiqlar, dilbar raqslar tomoshabinlarga haqiqiy bayramona kayfiyat ulashdi.
Bayram tadbirida shu maktabning ona tili va adabiyot fani oʻqituvchisi Manzura Sultonova, boshlangʻich taʼlim oʻqituvchisi Nigora Tajiboyeva va maktabning musiqa fani oʻqituvchisi Neʼmatjon Qurbonboyevlar soʻzga chiqib, Alisher Navoiy va Zahiriddin Muhammad Bobur haqidagi qiziqarli maʼlumotlarni bayon etishdi. Bunday adabiy kechalar oʻtkazilishi oʻquvchilar hayotida unutilmas xotira sifatida muhrlanishi, buyuk siymolarga ehtirom – millatga ehtirom, bugungi kun yosh-avlodlar qalbida jamiyat hayotida daxldorlik hissi ruhida tarbiyalashda muhim dasturulamal vazifasini oʻtashini taʼkidladilar.
Bobokalonlar tavalludiga bagʻishlab tashkil etilgan “Barhayot siymolar” nomli adabiy-badiiy kecha koʻtarinki kayfiyatda oʻtdi.
Salomat Karimova, 44-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
