Oybek nomli mahallada “Mustaqillik töyi” festivali ötkazildi

Joriy yilda jonajon Özbekistonimiz hayotida ulkan va tarixiy voqea, yaʼni mamlakatimiz mustaqilligining 35 yilligi keng miqyosda, kötarinki ruh bilan nişonlanmoqda. Bu qutluğ sana munosabati bilan butun yurtimiz böylab keng miqyosli şodiyona tadbirlari uzluksiz davom etmoqda. Eng çekka va olis ovullardan tortib, to tuman va şahar markazlariga qadar, har bir göşada, har bir xonadonda uşbu ayyom kötarinki ruhda nişonlanmoqda. Erk va ozodlik, tinçlik va osoyiştalik neʼmatini qadrlagan xalqning eng uluğ, eng aziz bayrami har bir yurtdoşimiz qalbida ğurur, iftixor va şukronalik tuyğularini jöş urdirmoqda.

Istiqlol yillarida bosib ötilgan maşaqqatli va şarafli yöl, barça sohalarda erişilgan ulkan yutuqlar bayram şodiyonalarida, odamlarning ertangi kunga bölgan mustahkam işonçida öz ifodasini topmoqda. Butun mamlakat böylab ötkazilayotgan bunday tadbirlar xalqimizni yanada jipslaştirib, ularni yangidan-yangi marralar sari ruhlantirmoqda.

Ana şunday bayram tadbirlarining navbatdagi manzili Amudaryo tumanining Oybek nomli mahallasi böldi. Mahallada “Bir Vatan, bir xalq bölib, yangi hayot va kelajak quramiz!” degan ezgu şior ostida katta şodiyona taşkil etildi. “Mustaqillik töyi” deb nomlangan mazkur festivalga mahallada yaşovçi nuroniylar, mehnat faxriylari, yoşlar, xotin-qizlar va keng jamoatçilik vakillari, tumanning barça ovul va mahallalaridan vakillar taklif etildi. Milliy anʼanalarimizga mos ravişda mehr-oqibat, saxovat va hamjihatlik ramzi sifatida markaziy maydondagi katta doşqozonlarda oş damlandi. Mahalla ahli va olis-yaqindan kelgan mehmonlar bir dasturxon atrofida jam bölib, özaro mehr-oqibat riştalarini yanada mustahkamladilar.

Tadbir avvalida mahalla hududida faoliyat yuritayotgan, öz işining haqiqiy ustasi bölgan hunarmandlar va intiluvçan tadbirkorlar tomonidan işlab çiqarilgan mahsulotlarning körgazmasi hamda yarmarkasi namoyiş etildi.

Yarmarkada milliy hunarmandçilik namunalari, bejirim buyumlar, kundalik ehtiyoj mollari va turli xil mahalliy işlab çiqariş mahsulotlari tadbir iştirokçilari eʼtiboriga havola qilindi. Bu holat, öz navbatida, hududda kiçik biznes va xususiy tadbirkorlik qay darajada jadal rivojlanib borayotganining amaliy ifodasi böldi. Şuningdek, festival doirasida kelajak egalari bölmiş yoş avlod maʼnaviyatini yuksaltiriş, aholi örtasida kitobxonlik madaniyatini keng tarğib qiliş maqsadida maxsus kitob yarmarkalari ham yuqori saviyada taşkil qilindi. Uşbu maʼrifiy körgazmada turli badiiy, ilmiy va tarixiy adabiyotlar namoyiş etilib, bayram qatnaşçilarining maʼnaviy olamini yanada boyitişga ulkan xizmat qildi.

Bayram tadbirida tuman rahbariyati va faol jamoat taşkilotlari vakillari ham iştirok etişdi. Xususan, tuman hokimining örinbosari Jasur Yaxşimov, hokim maslahatçisi Madamin Kazakov hamda “Nuroniy” jamğarmasining tuman bölimi raisi Bekman Allaberganovlar tadbir mehmonlari bilan dildan suhbat qurdilar va ularni eng uluğ, eng aziz ayyom bilan samimiy qutladilar. Amudaryo tumani hokimi Sobir Xöjametovning “Mustaqillik töyi” festivali iştirokçilariga yöllagan bayram tabrigi yiğilganlarga öqib eşittirildi. Mazkur tabrikda istiqlolning beqiyos qadri, tinçlikning bebaho ahamiyati va xalqimiz farovonligi yölida olib borilayotgan islohotlarning mazmun-mohiyatiga keng turda töxtalib ötilgan.

Tadbirda sözga çiqqanlar mustaqillik bizga taqdim etgan ulkan imkoniyatlar, erkin va ozod hayotning naqadar buyuk va tengsiz neʼmat ekanligini eʼtirof etdilar.

Şundan söng jamiyat hayotida faol iştirok etayotgan, mahalla obodligi, hudud osoyiştaligi va aholi farovonligi yölida barçaga örnak bölayotgan bir guruh fidoyi insonlarning halol mehnati munosib baholandi. Oybek nomli mahallaning eng faol va taşabbuskor fuqarolariga tuman hokimligi tomonidan maxsus esdalik sovğalari hamda statuetkalar tantanali ravişda topşirildi. Bunday yuksak eʼtibor va eʼtirof, şubhasiz, yurtdoşlarimizni yanada köproq va samaraliroq mehnat qilişga, Vatan taraqqiyotiga öz hissasini qöşişga undaydi.

Bayram şodiyonasi elimiz suygan xuşvoz sanʼatkorlarning çiqişlari, jozibali kuy va qöşiqlar bilan yanada qizğin, fayzli tus oldi. Sahnada Vatanni madh etuvçi, mustaqillik, tinçlik va millatlararo döstlikni tarannum qiluvçi taronalar yangradi. Oybek nomli mahalla ahlining çinakam hamjihatligi va oğizbirçiligini yorqin namoyiş etgan uşbu tadbirdan barça iştirokçilar bir olam zavq va çeksiz quvonç olişdi.

Alohida eʼtirof etiş joizki, mazkur bayram mahallaning köça biylari, faollari, “Mahalla yettiligi” aʼzolari, köpni körgan nuroniylar, şijoatli yoşlar hamda hududdagi barça muassasa va taşkilotlarning bir yoqadan boş çiqarib, yagona maqsad yölida özaro ahillikda mehnat qilayotganining amaliy belgisidir. Mahallalarda bunday mustahkam hamjihatlik va birdamlik bor ekan, yurtimiz kelajagi bundan-da nurafşon, xalqimiz hayoti esa yanada farovon bölişi şubhasiz.